Úkimet qazaqstandyqtardyń offshoryn baqylaýǵa alýy múmkin

Qazaqstan offshorlyq aımaqtarmen qarjy málimetterin avtomatty almasyp otyrý týraly kelisimge kelýi múmkin. Bul týraly QR Qarjy mınıstrliginiń keńeıtilgen alqa otyrysynda Memlekettik kirister komıtetiniń tóraǵasy Ardaq Teńgebaev málimdedi. «Bıznesti kóleńkeden shyǵarý maqsatynda quziretti organdarmen qarjy esepshottary boıynsha avtomatty aqparat almasý týraly kópjaqty kelissózge qosylý jumystary qolǵa alynýda. Osynaý kelisimge kire otyryp Qazaqstan qazaqstandyqtardyń shetelde tapqan tabystary týraly málimet ala alady. Atalǵan kelisimge offshorly aımaqtar da kiredi", - dedi Teńgebaev. Esterińizge sala keteıik, 2017 jyldyń qańtar aıynda Qazaqstan Ekonomıkalyq Yntymaqtastyq jáne Damý Uıymynyń salyqtyq bazany jymqyrý jáne tabysty syrtqa alyp shyǵýǵa qarsy kúres jobasyna kirgen edi. Atalǵan jobada 15 qadam qarastyrylǵan. Onyń ishinde ishki zańnamaǵa ózgerister engizý, baǵany belgileý men transfert boıynsha birlesken jumysqa arnalǵan halyqaralyq kelisimge qosylý, halyqaralyq salyq máselesi men aqparat almasý qamtylǵan.