Saýd Arabııasy 2010 jyldan bergi eń úlken ekonomıkalyq daǵdarystyń aldynda tur, dep jazady RT.
Áskerı shyǵyndardyń kóbeıgeninen paıda bolǵan 100 mlrd dollarlyq tapshylyǵyn joıý úshin memleket Taıaý Shyǵystaǵy eń iri munaı korporasııasy sanalatyn Saudi Aramco-nyń aksııalaryn satpaq. Degenmen, osydan túsetin tabys taǵy da sol qorǵanys salasyna baǵyttalmaq. Sonyń ishinde áskerıler men AQSh áskerı ınstrýktorlarynyń jalaqysyna jumsalady. Al el azamattary mundaı shyǵynǵa narazylyqtaryn bildirip kóteriliske shyǵýda. Memleket bolsa, olardy basyp, jyl basynan beri 47 adamdy ólim jazasyna kesti.
Saýd Arabııasynyń bıýdjet tapshylyǵy 2017 jyly 100 mlrd dollardy quraıdy. Moody’s agenttiginiń málimetinshe, bul JIО́-niń 22 paıyzy. Mundaı kórsetkish qandaı eldi bolmasyn daǵdarysqa ushyratady. Al 2016 jyly bıýdjet tapshylyǵy 90 mlrd dollar bolǵan edi. Bul JIО́-niń 18 paıyzyna teń bolǵan.
Eldiń koroli men onyń ekonomıkalyq keńesshileri 2017 jyly daǵdaryspen belsendi kúrese bastady. Birinshi kezekte el bıligi Saudi Aramco kompanııasynyń 49 paıyz aksııasyn satý týraly sheshim qabyldady. Jospar boıynsha, osydan túsken tabysty 2014-2016 jyldary 175 mlrd dollar joǵaltqan rezervtik qordy toltyrýǵa jumsaıdy.
