Astanada Qazaqstannyń Bilim jáne ǵylym mınıstrliginiń plenarlyq otyrysy ótti. Sharaǵa qatysýshylar mınıstrliktiń 2016 jyldaǵy qyzmetiniń basty qorytyndylarymen tanysyp, 2017 jylǵy mindetterdi qarady, dep habarlaıdy strategy2050.kz.
Shara barysynda bilim jáne ǵylym vıse-mınıstri Aslanbek Ámrın sóz sóıledi. Onyń atap ótýinshe, grant alýǵa barlyq ǵalymdar ótinim bere alady.
«Memlekettik qoldaýǵa ıe bolǵan barlyq jobalar sáıkestendiriletin nátıjelerge qol jetkizýge baǵdarlanady», – dedi A. Ámrın.
Vıse-mınıstrdiń aıtýynsha, ǵylymı-zertteý jumystarynyń nátıjeleri úsh turǵydan júzege asyrylady: ǵylymı – jarııalanymdar, patentter; akademııalyq – jańa bilim baǵdarlamalary, modýlder men kadrlar daıarlaýda – zertteýlerdiń baǵyty boıynsha PhD, óndiristegi mamandar.
«Sonymen qatar, kadrlyq quramdy jasartý men mindetti túrde aǵylshyn tilin bilý qajettiligi de bar. Bul zaman talaby. Barlyq jańashyldyqtar transparenttilikti jáne qabyldanatyn sheshimderdiń ádildigin barynsha qamtamasyz etý úshin engiziledi», – dep atap ótti vıse-mınıstr.
