«Qazaqstan» RTRK» AQ júıesinde birqatar kadrlyq ózgerister oryn aldy. 2017 jyldyń 24 aqpanyndaǵy «Qazaqstan» RTRK» AQ Dırektorler Keńesiniń sheshimimen Mádı Manatbek «Respýblıkalyq radıo» JShS-niń Bas dırektory bolyp taǵaıyndaldy, dep jazady "Qazaqstan" RTRK" AQ Strategııalyq marketıng departamenti.
Mádı Manatbek 2012-2013 jyldary «Qazaqstan» RTRK» AQ óndiris jónindegi basqarma tóraǵasynyń orynbasary qyzmetin atqarǵan. «Respýblıkalyq radıo» JShS «Qazaqstan» RTRK» AQ-nan qurylǵan radıo habarlaryn taratý boıynsha jumys atqaratyn kásiporyn jáne onyń quramyna Qazaq radıosy, "Shalqar, "Astana", "Classic" atty tórt radıoarna kiretinin habarlaımyz.
Áshimov Asqar Turǵanbaıuly «Qazaqstan» Ulttyq telearnasynyń dırektory bolyp taǵaıyndaldy. Ol ár jyldary «Qazaqstan» RTRK» AQ Atyraý oblystyq fılıalynyń dırektory, «Qazaqstan» Ulttyq telearnasynyń bas rejısseri qyzmetterin atqarǵan.
Sondaı-aq, «Qazaqstan» RTRK» AQ-nyń Aımaqtyq damý dıreksııasynyń dırektory taǵaıyndaldy. Bul laýazymǵa buryn «Qazaqstan» RTRK» AQ Shyǵys Qazaqstan jáne Aqmola oblysy bólimsheleriniń dırektory qyzmetinde bolǵan Dúısenov Arsenıı Keńesuly bekitildi.
«Qazaqstan» Ulttyq telearnasynyń dırektory qyzmetin osy ýaqytqa deıin atqarǵan Aǵybaev Janahmet Jánibekuly Atyraý oblystyq bólimshesiniń dırektory qyzmetine taǵaıyndaldy.
Sonymen birge, Qoǵamnyń aımaqtardyń damýy jónindegi Basqarma tóraǵasynyń orynbasary Ysqaqov Ilıas Basharulynyń jáne osy ýaqytqa deıin «Respýblıkalyq radıo» JShS Bas dırektory qyzmetin atqarǵan О́teǵalıev Dosymbek Qonysbekulynyń ókilettikteri toqtatyldy.
