Jańǵyrý 3.0: damýdyń jańa baǵyty

Prezıdent janyndaǵy Memlekettik basqarý akademııasynda Qazaqstan halqy Assambleıasynyń Ǵylymı-sarapshylyq keńesi dóńgelek ústel ótkizdi. Basqosýǵa qatysýshylar konstıtýsııalyq reformalar jáne «Jańǵyrý 3.0: damýdyń jańa baǵyty» degen taqyryp aıasynda áńgime órbitti. L.N.Gýmılev atyndaǵy EUÝ QHA kafedrasynyń meńgerýshisi Anatolıı Bashmakov Memleket basshysynyń Jol­daýyna elimizdiń bolashaq damý baǵyty aıqyndalǵanyn tilge tıek etti. – Barsha qazaqstandyqtardyń múd­desi kózdelgen bul qujatta elimizdiń bola­shaq damý joly kórinis tapqan. Al­daǵy 10-20 jyl ishinde Qazaqstan qoǵa­my ekonomıkalyq, áleýmettik turǵy­da jańasha túrge enedi. Elbasy óz Jol­daýynda: «Bolashaǵyn aıqyndap, syn-qa­ter­lerdi kútip otyrmastan, oǵan taban­dy túrde qarsy tura alatyn halyq qana jeńiske jetedi», degenin bilesizder. Mem­leket basshysy Qazaqstannyń al­dyń­ǵy qatarly 30 eldiń qataryna qosylýdy baǵytqa alýy bizdiń aldymyzda turǵan mańyz­dy mindet ekenine senimdi. Dam­yǵan elderdiń qataryna qosylý úshin ekonomıkanyń jedeldetilgen tehno­logııalyq jańǵyrtylýy, bıznes­ortany túbegeıli jaqsartý jáne keńeıtý, mak­ro­ekonomıkalyq turaqtylyq, adamı kapı­tal sapasyn jaqsartý, ınstıtýttyq óz­gerister, sybaılas jemqorlyqqa qar­sy kúres syndy basym baǵyttar da Prezıdent Joldaýynda kórsetilgen. Osy basymdyqtardy júzege asyrý úshin barsha qazaqstandyqtar jumylyp áreket etýi kerek. Oǵan bizdiń múmkindigimiz jetedi, – dedi A.Bashmakov. Ekonomıkalyq jańǵyrý, birinshi kezekte adamı kapıtaldyń damýymen baılanysty. Adamdardyń bilimi men ıntel­lektýaldyq deńgeıin kóterý, dúnıe­tanymyn tereńdetý máselesi de nazar­dan tys qalmaýy tıis. Fılosofııa ǵylym­darynyń doktory Tóleýǵalı Bóri­­baev osyndaı paıymyn ortaǵa saldy. – Adamı kapıtaldy jaqsartý degenimiz – tereń bilim, ıntellektýaldyq oı-óre, rýhanı baılyqty boıyna toǵystyrǵan býyndy qalyptastyrý. Sapaly bilim berý, ǵylymdy damytý, jastardy eńbekke baýlý, jan-jaqty jetilgen urpaqty ósirip shyǵarý «Máńgilik El» ıdeıasynda da kórsetilgen basty qundylyqtardyń biri. Ekonomıkalyq jańǵyrý osy qundylyqtardyń negizinde júrse, tanym kókjıegi keń, belsendiligi joǵary qoǵam qurylady, – dedi ǵalym. Dóńgelek ústel basynda QHA Ǵyly­mı-sarapshylyq keńesiniń múshe­leri Elbasy Joldaýynda aıtylǵan máselelerdiń áleýmettik, ekonomıkalyq aspektileri týraly keńinen oı bólisti. Arnur ASQAR, «Egemen Qazaqstan»