• 27 Aqpan, 2017

Úkimettegi keńes

150 ret

kórsetildi

1 mın

oqý úshin

Egemen Qazaqstan

Úkimet Úıinde Premer-Mınıstr Baqytjan Saǵyntaev Memleket basshysynyń «Qazaqstannyń Úshinshi jańǵyrýy: jahandyq básekege qabilettilik» Joldaýyn iske asyrý máseleleri jóninde keńes ótkizdi. Keńes barysynda Qazaqstannyń ekonomıkalyq ósimniń jańa úlgisine kóshýi máselesi boıynsha mınıstrlikterdiń tásildemeleri jáne paıymy, sondaı-aq ekonomıkany jedeldetilgen tehnologııalyq jańǵyrtýdy iske asyrý qarastyryldy, dep habarlady Premer-Mınıstrdiń baspasóz qyzmeti.

Qazaqstan Respýblıkasy Úkimetiniń qaýlysy

2017 jylǵy 24 aqpan №88 Astana, Úkimet Úıi «Munaı ónimderin jetkizý jónindegi biryńǵaı operatordy belgileý týraly» Qazaqstan Respýblıkasy Úkimetiniń 2014 jylǵy 12 jeltoqsandaǵy №1304 qaýlysyna ózgerister engizý týraly Qazaqstan Respýblıkasynyń Úkimeti qaýly etedi: 1. «Munaı ónimderin jetkizý jónindegi biryńǵaı operatordy belgileý týraly» Qazaqstan Respýblıkasy Úkimetiniń 2014 jylǵy 12 jeltoqsandaǵy №1304 qaýlysyna (Qazaqstan Respýblıkasy PÚAJ-y, 2014 j., №80, 687-qujat) mynadaı ózgerister engizilsin: 1-tarmaqta: 2) tarmaqsha mynadaı redaksııada jazylsyn: «2) mazýtty, avıasııalyq otyndy (MemST 10227-86 «Reaktıvti qozǵaltqyshtarǵa arnalǵan otyn. Tehnıkalyq sharttar») – «QazMunaıGaz – Aero» jaýapkershiligi shekteýli seriktestigi;»; 3) tarmaqsha alyp tastalsyn. 2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Premer-Mınıstri B.SAǴYNTAEV