...jaqsylyǵyn jetkizedi
Aýdan abattanyp keledi
Shý óńiri – egemen elimizdegi berekeli, meıirmandy kóp ulttan turatyn úlken bir otbasyndaı tatý-tátti gúldengen aýdannyń biri. Toǵyz jyldyń torabyndaǵy qasıetti óńir jyldan-jylǵa qanatyn jaıyp órkendeý ústinde. Shý qalasy men aýdan ortalyǵynda jańa kósheler boı túzep, eki eldi meken bir-birine qosylyp ketti. О́ńirimizde alyp hımııa parki boı kóterýde. Ol iske qosylǵanda 1500-2000 adam jumyspen qamtylady. Sondaı-aq, Qytaıǵa jetkizilip jatqan gaz qubyrynan aýdan kólemine kógildir otyn tartylyp ıgiligimizge asyp jatyr. Paıdasy kól-kósir aýrýǵa myńda bir emdik qasıeti bar mııa óńdeý zaýyty iske qosyldy. О́simdik maıyn shyǵaratyn, munaı óńdeıtin, sút ónimderin shyǵaratyn kásiporyndar jumys isteýde. Aýdanymyzda tórt túlik mal basy kóbeıip, jerdi tıimdi paıdalaný arqyly kóptep ónim alynýda. Elge qyzmet kórsetetin mádenı shara, bilim berý, densaýlyq, jumyspen qamtý mekemesinde kópten isteıtin, óz jumystaryna óte sergek qaraıtyn mamandar barshylyq. Ár maman ózderine senip bergen jumystaryn tııanaqty atqarsa elimizdiń damyǵan 30 eldiń ishinen nyq oryn alarymyz aıdan anyq. Qosshyǵul Mashahaev, Aqsaqaldar alqasynyń tóraǵasy Jambyl oblysy, Shý aýdany, Balýan Sholaq aýyly ...úlgi tutadyArdagerdiń batasyn aldy
Elbasynyń Joldaýyndaǵy jastar arasyndaǵy patrıotızmdi damytý baǵytyn basshylyqqa alyp Shetpede jastardyń qaıyrymdylyq is-sharasy ótkizildi. Olar Mańǵystaý aýdandyq jastar resýrstyq ortalyǵynyń uıymdastyrýymen Shetpedegi tyl jáne eńbek ardageri Qarǵabaı Eńsepbergenovtiń úıine baryp tynys-tirshiligimen tanysty. Sharaǵa belsendi jastar men eriktiler tobynan quralǵan 20-ǵa jýyq jas jumyldyrylyp, 90 jasqa jaqyndaǵan ardagerdiń úıiniń aldyn, qora, saraıyn qardan tazalap qol kómegin sozdy. Q.Eńsepbergenov jastaıynan aýdandyq sý sharýashylyǵy, kommýnaldyq qyzmet salasynda taban aýdarmastan 60 jylǵa jýyq qyzmet jasady. Dálirek aıtqanda, sý tasýshy, kólik júrgizýshisi qyzmetinde boldy. Búginde densaýlyǵyna baılanysty tósek tartyp jatyr. Kempiri Izimhan Eńsepbergenova zeınetker. «Búgingi sharany uıymdastyrýǵa muryndyq bolǵan jastar ortalyǵyna alǵysym sheksiz. Biz sııaqty qarııalarǵa kómektesip esik aldyn tazalaýǵa atsalysqanyna rahmetten basqa aıtarym joq» – dep batasyn berdi Qarǵabaı aqsaqal. Allabergen QONARBAEV Mańǵystaý oblysy, Mańǵystaý aýdany ...dabyl qaǵadyKirme sózder ózimizdiki bolyp ketpesin
Ana tiline orys sózin aralastyrmaı sóıleıtin qazaqty myna zamanda kezdestirý – qıynnyń qıyny. Qıt etse «potomý chto», «konechno», «voobshe», «molodes» dep saıraı jóneletin qazaqtar kóbeıdi búginde. Tipti, osy bir kirme sózder ata-babasynan qalǵan mura sekildi. Ol ol ma, tili endi shyǵyp kele jatqan sábıdiń «mama», «papa» dep jylaǵanyna ne dersiz. Búıte bersek, orystyń myńdaǵan sózi qazaqtyń qanyna sińisip, óz sózindeı bolyp ketpesine kim kepil? Kirme sózder kún saıyn tilimizge tópelep ene berse, erteń qazaqtyń tilin tazalaý qıynǵa soǵady. Qaısysy qaı jaqtan engenin ózimiz de bilmeı otyratyn bolamyz. Sondyqtan qazirden bastap sóılegen sózimizge mán berip, aıtar kezde oılanyp, ana tilimizdiń tazalyǵyn saqtaýǵa aıryqsha mán bereıik. О́.PISTEBEK Ońtústik Qazaqstan oblysy, Maqtaaral aýdany ...alǵys aıtadyÚmit oty mazdady
О́tken jyly otbasymyzǵa aýyr synaq tústi. Jaǵdaıyma qaramastan Qyzylorda men Almaty arasyna shapqyladyq. Qyzymnyń basyndaǵy aýyrtpalyqty jeńý úshin bárine kónýge týra keldi. Páter daýy, aqsha daýy, bala daýy basymyzdy aınaldyryp jiberdi. Qatty qınaldyq. Jasym alpystan asqanda dál osyndaı tyǵyryqqa tirelemin dep oılappyn ba? Kúderimiz úzilip turǵan jerde úmit oty mazdady. Ol otty mazdatqan almatylyq bilikti zańger-advokat Júnisbaı Maqsutuly Qadyrhanov edi. Allanyń qoldaýymen 3 ret sot boldy. Mundaı aıqasty kim kórgen, mundaı tartysta kimniń jeńerin, ýaqyttyń aqyryna deıin ádildiktiń kimniń jaǵyna shyǵaryn bilmeıdi ekensiń. Qysqasyn aıtqanda, dál osy azamattyń kómegimen úsh sotta da jeńip shyqtyq. Janymyzdy shúberekke túıip qınalyp júrgen asa qıyn sátte qolushyn berip, máseleniń túıinin sheship bergen Júnisbaı Qadyrhanovqa analyq zor alǵystan basqa aıtarym joq. Nesibeli ORDANOVA, kóp balaly ana, zeınetker Almaty ...áserimen bólisediKitaphanada ónegeli kesh ótti
Dinmuhamed Ahmetuly babamyzdyń 105 jyl tolýyna oraı kózi kórmeıtin jáne nashar kóretin azamattarǵa arnalǵan Pavlodar oblystyq arnaıy kitaphanasynda eske alý keshi ótkizildi. Basqosýda Qonaevtyń ómirbaıany áńgime arqaýyna aınalyp, eli úshin, jeri úshin jarǵaq qulaǵy jastyqqa tımeı, halqy úshin aıanbaǵanyn eske túsirip, estelik beınebaıandar kórsetilip, óleńder oqyldy. Osy kitaphanaǵa men jıi kelemin, óıtkeni, munda osyndaı kóńilge qonymdy sharalar jıi ótedi. Kitaphanadaǵy qyzmetkerlerdiń jumysy aýyr, óıtkeni kelýshilerdiń kóbiniń kózi kórmeıtinder. Osyndaı úlgili de ónegeli sharany uıymdastyrǵan zaǵıptar kitaphanasy basshysynyń orynbasary Lázzat Qýantaeva, buqaralyq-aqparattar bóliminiń basshysy Aınagúl Qojahanova, kitaphanashylar Gúlaıym Túsúpova men Baıan Rahmetovaǵa alǵysymyz sheksiz. Baqjamal AKKÝZINOVA, zeınetker-ustaz PAVLODAR
