«Qoshtasýdyń qıyny-aı» degen sııaqty, Pavlodardyń keńestik kezeńmen qoshtasýy da uzaqqa sozylyp barady. Kommýnızmniń elesi áli júr. Oblys pen shahardyń atyn aýystyrýdy aıtpaı-aq qoıalyq, elimizdiń táýelsizdik alǵanyna shırek ǵasyr ýaqyt bolsa da qaladaǵy kósheler ataýy báz-baıaǵy qalpynda, árisi Reseı, berisi revolıýsıoner tulǵalardyń atynda. Árıne, aıtysyp-tartysyp júrip sanaýly kóshe qazaq qaıratkerleriniń esimderin ıelendi.
Byltyr oblystyq onomastıkalyq komıssııanyń sheshimimen Álııa men Mánshúkke, Baýyrjan atamyzǵa 8-9 kóshe ataýlary buıyrdy. Árıne, qaladan emes, aýyldardan. Bogatyr aýylyndaǵy Razın kóshesine, Maıtúbek aýylyndaǵy Lenın kóshesine, Mıhaılovka aýylyndaǵy Sovetskaıa kóshesine, Aqsý qalasyndaǵy Sarev kóshesine Baýyrjan Momyshulynyń esimi berildi.
Endi Bogatyr aýylyndaǵy Pýgachev kóshesi, Alakól aýylyndaǵy Lenın kóshesi, Jelezın aýylyndaǵy Sadovaıa kóshesi, Serkovnaıa aýylyndaǵy Novaıa kóshesi, Aqsý qalasyndaǵy Keńester kóshesi Álııa Moldaǵulova atymen atalady.
Aqsý qalasyndaǵy Entýzıastar kóshesi Mánshúk Mámetova bolyp ózgertildi. Osylaısha, shalǵaıdaǵy aýyldardaǵy kósheler qazaqtyń qaharman perzentteriniń esimderin ıelendi.
Kereký óńirindegi onomastıkalyq ahýal aıtylýdaı-aq aıtylyp, jazylýdaı-aq jazylyp jatyr ǵoı. Mysaly, Pavlodar qalasyndaǵy Sývorov kóshesin Oljabaı batyrdyń dańqty esimimen ataý kerek dep aıtylyp kele jatqaly qashan. Biraq, nátıje shamaly bolyp tur. Bastysy, táýelsizdik tóńiregindegi, memlekettilik máselesindegi nasıhat jumysy kemshin túsip jatqandaı. Áıtpese, táýelsiz eldegi kóshe ataýlaryna deıin memlekettik múddemen astasyp jatýy tıis qoı.
Aıtpaqshy, jýyrda oblys ákiminiń esepti kezdesýinde qalanyń Qurmetti azamaty Evgenıı Azarov kóńilge qonatyn usynys jasady:
– Búginde shahardan syrtqary shyǵatyn joldardyń deni Astanaǵa qaraı baǵyttalǵan. Sondyqtan oblys ortalyǵynyń basty, ortalyq Kýtýzov kóshesin elordanyń qurmetine Astana kóshesi, al Lenın kóshesine Táýelsizdiktiń 25 jyldyǵy ataýyn bersek durys bolar edi, – dedi.
Azarov aıtýyn aıtty-aý, áıtse de, tolyqtaı sheshim qabyldanbaıynsha kóńil shirkin senbeıdi ǵoı. Bul usynys ta saǵyzsha sozylyp ketpese jarar edi. Kelmeske ketken qoǵamnyń kósemi táýelsizdikke jýyq arada jol bere qoıar ma eken?
Farıda BYQAI,
«Egemen Qazaqstan»
PAVLODAR
«Qoshtasýdyń qıyny-aı» degen sııaqty, Pavlodardyń keńestik kezeńmen qoshtasýy da uzaqqa sozylyp barady. Kommýnızmniń elesi áli júr. Oblys pen shahardyń atyn aýystyrýdy aıtpaı-aq qoıalyq, elimizdiń táýelsizdik alǵanyna shırek ǵasyr ýaqyt bolsa da qaladaǵy kósheler ataýy báz-baıaǵy qalpynda, árisi Reseı, berisi revolıýsıoner tulǵalardyń atynda. Árıne, aıtysyp-tartysyp júrip sanaýly kóshe qazaq qaıratkerleriniń esimderin ıelendi.
Byltyr oblystyq onomastıkalyq komıssııanyń sheshimimen Álııa men Mánshúkke, Baýyrjan atamyzǵa 8-9 kóshe ataýlary buıyrdy. Árıne, qaladan emes, aýyldardan. Bogatyr aýylyndaǵy Razın kóshesine, Maıtúbek aýylyndaǵy Lenın kóshesine, Mıhaılovka aýylyndaǵy Sovetskaıa kóshesine, Aqsý qalasyndaǵy Sarev kóshesine Baýyrjan Momyshulynyń esimi berildi.
Endi Bogatyr aýylyndaǵy Pýgachev kóshesi, Alakól aýylyndaǵy Lenın kóshesi, Jelezın aýylyndaǵy Sadovaıa kóshesi, Serkovnaıa aýylyndaǵy Novaıa kóshesi, Aqsý qalasyndaǵy Keńester kóshesi Álııa Moldaǵulova atymen atalady.
Aqsý qalasyndaǵy Entýzıastar kóshesi Mánshúk Mámetova bolyp ózgertildi. Osylaısha, shalǵaıdaǵy aýyldardaǵy kósheler qazaqtyń qaharman perzentteriniń esimderin ıelendi.
Kereký óńirindegi onomastıkalyq ahýal aıtylýdaı-aq aıtylyp, jazylýdaı-aq jazylyp jatyr ǵoı. Mysaly, Pavlodar qalasyndaǵy Sývorov kóshesin Oljabaı batyrdyń dańqty esimimen ataý kerek dep aıtylyp kele jatqaly qashan. Biraq, nátıje shamaly bolyp tur. Bastysy, táýelsizdik tóńiregindegi, memlekettilik máselesindegi nasıhat jumysy kemshin túsip jatqandaı. Áıtpese, táýelsiz eldegi kóshe ataýlaryna deıin memlekettik múddemen astasyp jatýy tıis qoı.
Aıtpaqshy, jýyrda oblys ákiminiń esepti kezdesýinde qalanyń Qurmetti azamaty Evgenıı Azarov kóńilge qonatyn usynys jasady:
– Búginde shahardan syrtqary shyǵatyn joldardyń deni Astanaǵa qaraı baǵyttalǵan. Sondyqtan oblys ortalyǵynyń basty, ortalyq Kýtýzov kóshesin elordanyń qurmetine Astana kóshesi, al Lenın kóshesine Táýelsizdiktiń 25 jyldyǵy ataýyn bersek durys bolar edi, – dedi.
Azarov aıtýyn aıtty-aý, áıtse de, tolyqtaı sheshim qabyldanbaıynsha kóńil shirkin senbeıdi ǵoı. Bul usynys ta saǵyzsha sozylyp ketpese jarar edi. Kelmeske ketken qoǵamnyń kósemi táýelsizdikke jýyq arada jol bere qoıar ma eken?
Farıda BYQAI,
«Egemen Qazaqstan»
PAVLODAR
Sońǵy jańalyqtar
Qazaq sportshylary Olımpıadanyń alǵashqy kúninde qalaı óner kórsetti?
Olımpıada • Búgin, 22:49
Astana qalasynda páter urlyǵymen aınalysqandar ustaldy
Oqıǵa • Búgin, 22:28
Aq Olımpıada: Qazaqstandyq konkımen júgirýshiler úzdik 10 sportshy qatarynda
Sport • Búgin, 21:36
UAE SWAT Challenge: Qazaqstan arnaıy jasaqtary týrnırdiń alǵashqy kúninde top jardy
Oqıǵa • Búgin, 21:26
Qysqy Olımpıadanyń alǵashqy altyn júldesi kimge buıyrdy?
Olımpıada • Búgin, 18:55
Azııa chempıonaty: Qazaqstan jeńil atletıkadan ekinshi altyn júldeni jeńip aldy
Jeńil atletıka • Búgin, 18:40
Erteń elimizdiń barlyq óńirinde daýyldy eskertý jarııalandy
Aýa raıy • Búgin, 18:30
Jańa Konstıtýsııa jobasy sarapshylardyń qoldaýyna ıe boldy
Ata zań • Búgin, 18:22
Erqanat Kópjasaruly: Jańa Konstıtýsııada erkindik pen jaýapkershilik bir arnaǵa toǵysady
Ata zań • Búgin, 18:11
Qarjy mınıstrligi eskertedi: Mınıstr Takıevtiń atyn jamylǵan alaıaqtar paıda boldy
Qarjy • Búgin, 17:44
Japonııada jaýǵan qalyń qar saldarynan 40-tan astam adam qaza tapty
Álem • Búgin, 17:32
«Kómbeniń» kómeski izi: Umytylyp bara jatqan ulttyq oıyn
Sport • Búgin, 17:15
Jańa Konstıtýsııa mátinin Braıl qarpimen jazý usynyldy
Ata zań • Búgin, 17:01
