Stoılovtyń komandasy nemese Sýperkýbok aldyndaǵy sóz

«Astana» týraly áńgime bastalǵanda kóz aldymyzda Stanımırdiń sýreti turady. Bul ózi Stoılovtyń komandasy. Jeke menshigi emes, árıne. Qoltýmasy. Ishki tirshiliktegi biraz sharýa bas bapkerdiń aralasýymen bitetin sekildi. Mysaly, Nemanıa Maksımovıchtiń bıyl qosalqy oıynshyǵa aınalǵanyn aıtaıyq. Djordje Despotovıchtiń «Tobylǵa» tartýyn da tilge tıek ete alamyz. Ol jaqsy ǵoı. Bas jattyqtyrýshyda bılik bolǵany. Tabysqa keneletinder de solar: joǵaryǵa usynysy ótip, sózi júretinder. Qojaıynǵa jaltaqtaýmen kúni ótetin bapkerlerdiń jeńiske jetýi ekitalaı. Mine, «Astana» týraly jazaıyq dep oılaǵan bette Stoılovqa tire­lip qaldyq. Myqty maman. Sóz joq. О́z isin biledi. Úsh jyl boıy esh­­kimge des bermedi. Jetistik pe? «As­tananyń» oıynyn qoıyp ber­di. Fýt­bolshylar alańda erkin kó­­sile alatyn dárejege jetti. Qar­sylastyń azýyn kórip talyp qalmaıdy, qaıta «kelseń kel­ge» salyp, bilek sybanady. Shá­kirt­te­r­in doppen til tabystyrdy. Tak­tı­kanyń ne ekenin uqtyrdy. Oıyn­shylar da uǵa aldy. Fýtbol mád­enıetin meńgerdi. Álgi dop­ty shekesimen, arqasymen, balty­ry­men toqtatsa da, bytyrasha sha­shy­­ratpaıdy. Qaıta magnıtke ma­tyr­ǵan­daı, baılap alady. Ielik etken bet­te sheshim izdeıdi. Nemese, dop ke­le jatqanda ne isteıtinin bilip tu­ratyn deńgeıge jetti. Ras, keý­de­ge pisken «nannan» qutyla al­maı qalatyn kezderi bolady, ol ózimizge ǵana tıesili minezden. Tip­ti, Stanımır de sylyp tastaı al­maı keledi. Eýropany aralatty. Chem­pıondar lıgasynyń negizgi ja­ry­syna qosty. Eýropa lıgasynda da oınatty. Eńbek, eren eńbek si­ńir­di. Endi entigip qalmasa eken. Ol da ońaı. Sońǵy otyz jyl kóleminde biz­diń elde mundaı bapker az jolyqty. Oǵan da sebep kóp. Stoılovtyń ba­ǵyna Saıan bitti. Hamıtjanov. Sta­nı­mırdi baǵalady, qadirine jet­ti. Izdetkenin tapty, suraǵanyn usy­n­dy. Mundaı basshyny Sta­nı­mır álemdi alty aınalsa kezdestire me? «Anaý shaqyrdy, mynaý kútip otyr», deıdi ǵoı. Barýy múmkin. Ko­mandasyn ushpaqqa shyǵarýy eki­talaı. Dál Astanadaǵydaı jaǵ­daı Stoılovqa jasala salmaıdy. Tórt jyl buryn kim edi? Endi kim? Qaqpashy – ekeý. Tizimde odan kóp eke­nin bilemiz. Mysaly, Abylaıhan Dúısen. Salmaq Aleksandr Mokın men Nenad Erıchke túsetini anyq. Aldymyzdaǵy naýryzda Almatyda «Qaıratpen» bolatyn Sýperkýbok jolyndaǵy matchta qaqpany Mokın kúzetetin shyǵar. Byltyrǵy saltqa saı. Bizge solaı kórine me, álde bir kiltıpan bar ma, bas bapker Mo­kın­di negizgi qaqpashyǵa aınaldy­rýdy da oılaıtyn sekildi. О́zi bi­le­di. Ekeýi de myqty. Endi qor­­­­ǵanysqa keleıik. Negizgi tiregi – Marın Anı­chıch. Sońǵy jyldardaǵy el birin­shi­ligindegi eń úzdik qorǵaýshy. Bil­ge­ninen bıyl da jańyla qoımas. Qa­syn­da Iýrıı Logvınenko júretin sh­y­ǵar. Evgenıı Postnıkov te se­nim­di aqtaıdy. Staryı Oskolda ós­ken ul «Arsenalǵa» qarsy oıynda oń qanatta da saýattylyq tanytty. Orta­da oınaı alady. Belorýs Igor Shıtov te ábden shyńdalǵan. Erte eseı­gen Dmıtrıı Shomkonyń naǵyz to­lysqan shaǵy. Abzal Beısebekov te «at erttese, toqymdy aýdarmaıdy». Qorǵanysy tastaı, alynbas qamal sekildengen «Astanaǵa» gol soǵý talaı komandaǵa bıyl da qol jetpes armanǵa aınalar. Orta tusta eleýli ózgerister oryn aldy. Áýeli Roher Kanıasty aıtaıyq. Búgingi «Astanaǵa» asa qajet oıynshy Roher. Kıpr asyp ket­ti. О́z betimen emes. Múmkin, Stoı­lovtyń aqylymen. Álde, Sta­nı­mır Eýro dodasynyń aldynda Ka­nıasty qart qurlyqta shyńdap alý­dy jón kórgen?! Bul da qısynǵa ke­ledi, demek qatty qajet kezde Kanıas óz jumysyna oralady. Ras, Ivan Maevskııdi shaqyrdy. Ivan da shama-sharqy kelgenshe óz deńgeıinde óner kórsetedi ǵoı, biraq Roherdi almastyra almaıdy. Maksımovıch jazda «Valensııaǵa» ke­tedi. Qazirdiń ózinde qııalymen «Mes­talıany» sharlap júrgen ji­git­ti oıynǵa jumsaý qısynsyz. Aqyl­dy Stanımır ony anyq biledi. Sol sebepti Nemanıanyń odan ári qııal­­daýyna bóget bolmaýy tıis. Serikjan Mýjıkovtiń babyn tap­qan da Stanımır. Stoılovtyń tá­liminen keıin túlep sala berdi. Árıne, keıde tehnıkalyq bilimniń kem­shiligi, keıde qara kúshtiń az­dy­ǵy tusaý bolady. Biraq, erik-ji­ger Serikjanǵa qosymsha qýat be­retin se­kildi. Onyń ústine bilikti ma­man­nyń tapsyrmasyn anyq uǵyp, so­ny oryndap shyǵýdan ońaı nárse bar ma. Asqat Taǵybergen. Talant. О́z isine myǵym. Keıde fýtbol­dy óner dep qabyldaıtyny alań­da­­ǵ­y qımyl-qozǵalysyna qanat bi­ti­­redi. Ol ne artyqshylyq, neme­se kem­shilik. Ony Stanımırdiń ózi jo­r­ysyn. Patrık Tvýması. Sı­rek oıynshylar sanatynda. Tez oı­laıdy, jyldam qımyldaıdy. Mi­nezi ushqalaq deıtinder bar. Bá­rin biledi. Bilgenin alańda jú­zege asyra alady. «Astana» sa­pyn­daǵy sapaly oıynshynyń bi­ri. Múmkin biregeıi. Jas lekten Abaı Júnisov unady. О́zine se­nimdi. Fýt­bolyńyzdy kádimgideı meń­ge­re bastady. Bolashaǵynan úmit kúttiretin oıynshy. Azdren Lýlaký. Birjaqty pi­kir aıtý qıyn. Tórt-bes oıynyn kórdik. Bálendeı áser et­pedi. Múm­kin, keıin túsinermiz, kim eke­nin. Ketkenderdiń ornyn toltyra ala ma? Djýnıor Kabananga. Adam­ǵa baqtyń qonýy da ońaı ǵoı. Qa­ra qurlyqtaǵy jarysqa zorǵa ilin­di de, zoraıyp shyǵa keldi. О́z qu­ra­ma­sy­nyń bas mergenine aınaldy. Oqý-jat­tyǵý jıynyna kelgen bette is­ke kirisip, álgi bıiginde qalyqtap tu­ryp qaldy. Tómen túse me, bıikke sa­m­ǵaı ma? Aldaǵy maý­sym jaýabyn bersin. Djýnıor da tú­sinde Eý­ropany kóre bastaǵan sekildi. «Astanaǵa» taǵy bir shabýylshy kerek. Kimdi alady, qashan ala­dy? Roman Murtazaev bar dedińiz be? Múmkin, oınap keter. Mý­jıkovter sekildi. Nesi bar, Sta­nı­mır talaıdyń shyraǵyn jaq­qan. Qulaǵyn bapkerge jaqyn us­ta­sa bol­ǵany, uǵaryn sanasy biledi. Muǵalim bar ǵoı. Amangeldi SEIITHANOV, jýrnalıst ASTANA