Mennı Pakıao Amır Hanmen judyryqtasady

Fılıppındik Mennı Pakıao ulybrıtanııalyq boksshy Amır Hanmen jekpe-jek ótkizetinin týıtterinde habarlady. Buǵan deıin onyń kezekti qarsylasy avstralııalyq Djeff Horn bolatyny habarlanǵan. The Guardian basylymynyń málimeti boıynsha Fılıppınniń áıgili sportshysymen boks keshin uıymdastyrý jóninde Avstralııanyń Kvınslend shtatynyń bıligi qatty úmittengen. 30 jastaǵy Han ótken jyldyń mamyr aıynda Saýl Alvarespen kezdesýinen keıin sharshy alańǵa shyqpaǵan. Meksıkalyq boksshymen jekpe-jekke shyǵý úshin ol salmaǵyn eki dárejege kótergen. Nátıjesinde, altynshy raýndta nokaýtpen jeńildi. Sondaı-aq, Pakıaomen kúsh synasýy úshin taǵy da salmaǵyn ózgertýge bel býyp otyr. «Urys jartylaı orta salmaqtaǵy WBO belbeýi úshin ótedi. Pakıaony jeńýige shamam jetedi dep oılaımyn. Boks keshin Ulybrıtanııada, Dýbaıda nemese AQSh-ta ótkizýimiz múmkin», – dedi Amır Han. Mennı Pakıao ótken jyldyń qarasha aıynda jartylaı orta salmaqta amerıkalyq Djessı Vargasty upaı sanymen jeńip, WBO tujyrymy boıynsha álem chempıony atanǵan. Qos boksshynyń arasyndaǵy kezdesý 23 sáýirge belgilengen. Ázirge qaı arenada ótetini belgisiz.