Depýtattar qoljetimdi baspana baǵasyn arzandatýdy suraýda

Memlekettik baǵdarlamalar boıynsha beriletin turǵyn úıge baılanysty depýtattar QR Premer-mınıstri Baqytjan Saǵyntavtyń atyna kezekti ret depýtattyq saýal jiberdi. Atap aıtar bolsaq, depýtattar memlekettik baǵdarlamalar boıynsha salynǵan úıdi berýdegi ádiletsizdikter, qymbattyǵy men sapasyzdyǵyn aıtty. "Memlekettik baǵdarlamamen úı alǵan azamattardyń baspana sapasynyń tómen ekenin aıtýshylar sany kóbeıip kele jatyr", - delingen depýtattyq saýalda. Depýtattardyń aıtýynsha, qurylys salýǵa paıdalanylatyn qurylys materıaldarynyń 70 paıyzy, keıdi tipti odan da kóp bóligi Qytaıdan ákelinedi. Biraq bılik resmı túrde qurylys materıaldarynyń 80 paıyzy otandyq ónim ekenin aıtady. Tipti, otandyq qurylys materıaldarynyń ózi sapasy men nomenklatýra kólemi syn kótermeıdi. Zań shyǵarýshylardyń aıtýynsha, 12 jyldan beri mıllıardtaǵan teńge qarjy bólingenimen, halyqqa úı áli de jetpeı jatyr. 2016 jyldyń 1 qańtaryndaǵy jaǵdaı boıynsha, úıge muqtaj azamattar sany 2013 jylǵy kórsetkishpen salystyrǵanda 248,9 paıyzǵa kóbeıgen. Osyǵan baılanysty májilismender Saǵyntaevtan myna nárselerdi surap otyr: 1) Qoljetimdi baspanany taratý kezinde ashyqtyqty qamtamasyz etý tetigin daıyndaý; 2) Sharshy metrdiń baǵasyn azaıtý men qurylysqa sapaly jáne arzan otandyq materıaldardy qoldaný; 3) Turǵyn úı sapasyn baqylaýdyń durys tetigin qalyptastyrý; 4) Qazaqstandyq kásiporyndardyń qurylys materıaldaryn shyǵarýda memlekettik standart talaptaryn arttyrý; 5) Nysandardy memlekettik qabyldaý tetikterin daıyndaý. Buryn memlekettik qabyldaý komıssııasynda 20 adam jumys istese, qazir komıssııa 4 adamnan turady. Bul saladaǵy jemqorlyqqa jol ashyp, baqylaýdyń tıimdi emestigin kórsetýde; 6) Memlekettik baǵdarlama boıynsha úı salatyn kompagııalardy irikteý tártipterin qatańdatý; 7) О́ńirlerde qurylys nysandaryna ınjenerlik-kommýnıkasııalyq ınfraqurylymnyń joqtyǵy máselesin qaraý.