Chempıondar lıgasyn "Qazaqstan" ulttyq arna kórsetýi múmkin

«OŃ-TV» arnasy Chempıondar lıgasy men Eýropa lıgasynyń Qazaqstan aımaǵynda kórsetý quqyǵyn basqa respýblıkalyq arnaǵa bergenin rastady. Bul týraly vesti.kz habarlady. «OŃ-TV» arnasy baǵdarlamalar men sporttyq taratylymdarǵa baılanysty ózgerister engizip jatyr. Baǵdarlamalardaǵy ózgerister 1 naýryzdan bastalady. Jańa kórsetilim konsepsııasyna baılanysty fýtbol jankúıerlerine zııany tımes úshin «OŃ-TV» arnasy Chempıondar lıgasy, Eýropa lıgasy jáne ÝEFA Sýperkýbogynyń Qazaqstan aımaǵynda kórsetilim quqyǵyn respýblıkalyq basqa bir arnaǵa berip otyr. Qazirgi tańda kelissózder sońyna taıap qaldy», – delingen telearnanyń taratqan resmı hatynda. Buǵan deıin el aýmaǵynda atalmysh fýtbol týrnırlerin kórsetý quqyǵyn "OŃ-TV" arnasy "Qazaqstan" men KazSport arnalary kiretin "Qazaqstan» RTRK" holdıngine beredi degen málimet shyqqan edi. Aıta keteıik, "OŃ-TV" arnasy Chempındar lıgasy men Eýropa lıgasyn 2015 jyldyń tamyzynan beri kórsetip keledi.