Jumyla jumys isteý – paryzymyz

Elimiz sońǵy 25 jyldyń ishinde birqatar qıyn kezeńdi basynan keshirse de, ózin táýelsiz memleket retinde dúnıe júzine tanyta bildi. Búgingi jahandyq álemniń bir bóligi bolǵandyqtan, kórshi jáne basqa da memlekettermen qarym-qatynasymyzdy jandandyryp, el ekonomıkasyn damytýǵa áreket etý óte mańyzdy. Prezıdenttiń 2017 jyly 31 qań­tardaǵy halyqqa Joldaýynda elimizdi ári qaraı damytý úshin Úkimetke ne isteý kerektigi naqty kórsetilgen. Aıta ketsek, Joldaýda áleýmettik-ekono­mıkalyq baǵyttaǵy jumystardy durys júrgizýdiń nátıjesinde halyq­tyń jaǵdaıy jaqsaratyny anyq aıtylǵan. Ásirese, jaǵdaıy tómen halyqty ýrbanızasııa úderisimen qamtý jáne de «Nurly jol» baǵdarlamasy boıyn­sha 1,5 mıllıon otbasyn pátermen qam­tamasyz etý jumystary asa mańyz­dy bolyp tabylady. Árıne, bul ister memlekettiń damýyna, onyń ishinde halyqtyń ál-aýqatynyń artýyna erekshe áser etetini aıdan anyq. Sonymen qatar, bul áreketter jańa ınfraqurylymnyń, jumys oryndarynyń paıda bolýyna jáne qalalardyń áleýmettik qana emes, arhıtektýralyq jaǵynan kórkeıýine septigin tıgizetini talassyz. Qalalardyń ósip-órkendeýine turǵyndarmen birge zor áserin tıgizetin tulǵalar – jeke kásipkerler. Olardyń bıýrokratııasyz jumys isteýlerine jáne ózderin ári qaraı damytýlaryna memleket tarapynan kórsetiletin kómekter Jol­daýda naqty aıqyndalǵan. Osy is-sharalardyń oryndalýyn qamtamasyz etý úshin judyryqtaı jumylyp jumys isteý – árbirimizdiń paryzymyz. Ermaǵambet BIJANOV, «Bolashaq» baǵdarlamasynyń stıpendıaty, Berlın tehnıkalyq ýnıversıtetiniń magıstranty