Organıkalyq ónim óndirý – ózekti másele

Májilis Tóraǵasynyń orynbasary Vladımır Bojkonyń qatysýymen, Agrarlyq máseleler komıtetiniń tóraǵasy Saparhan Omarovtyń jetekshiliginde «Organıkalyq ónim óndirý týraly» («100 naqty qadam» Ult josparynyń 60 jáne 61-qadamdary sheńberinde) degen taqyrypta dóńgelek ústel ótti. Dóńgelek ústel jumysyna depýtattyq kor­pýstyń, ýákiletti memlekettik organ­dar­dyń jaýapty qyzmetkerleri, «Atameken» Ult­tyq kásipkerler palatasy, «KAZFOAM» Orga­nı­kalyq aýyl sharýashylyǵy úshin qozǵalysy Qazaqstan federasııasy, «Organıkalyq egin­shilik qýymdastyǵy» respýblıkalyq qo­ǵamdyq birlestigi, Qazaqstan Respýblıkasy ag­rar­lyq-ónerkásiptik kesheniniń ekonomıkasy já­ne aýyldyq aýmaqtardy damytý ǵylymı-zert­teý ınstıtýty sııaqty úkimettik emes sek­tordyń ókilderi, sondaı-aq organıkalyq ónim óndirýshileri qatysty. «Organıkalyq ónim óndirý týraly» 2015 jyl­ǵy 27 qarashada qabyldanǵan Zańdy iske asyrýǵa baǵyttalǵan mınıstrlik qabyldap jat­qan sharalar týraly negizgi baıandamany Aýyl sharýashylyǵy vıse-mınıstri Qaırat Aıtýǵanov jasady. О́kinishke qaraı, búgingi tańda sertıfıkattaý ótkizý úshin múmkindik joq. Standarttardy ázirleýden bastap mamandardy oqytýǵa deıin – onyń barlyq júıesin jasaý qajet. AО́K-ti damytýdyń 2017-2021 jyldarǵa arnalǵan mem­lekettik baǵdarlamasy sheńberinde bir­qa­tar is-shara atqarý kózdelgen», dedi vıse-mınıstr. Agrarlyq máseleler komıtetiniń múshesi Aıqyn Qońyrov – óziniń qosymsha baıanda­masynda osy kezeńde salany damytýǵa ke­der­­gi keltiretin negizgi problemalyq má­se­le­lerdi atap ótti. Odan basqa, otandyq sa­la ma­mandarynyń pikirleri tyńdaldy, olar da pro­blemalyq sátterdi belgilep, orga­nı­ka­lyq ónim óndirý jáne olardyń aınalymy sa­lasyndaǵy mindetterdi sheshýdegi óz kóz­qa­ras­taryn usyndy. Dóńgelek ústel otyrysy barysynda múd­de­li mınıstrlikter men vedomstvolardyń ókil­­deri sóz sóılep, Qazaqstandaǵy orga­nı­ka­­lyq ónim óndirý jáne olardyń aına­ly­my salasyndaǵy ózekti máseleler mu­qııat tal­qylandy. Nátıjesinde otyrys qo­ry­tyn­­dysy boıynsha ýákiletti organdarǵa tıis­­ti usynystar jiberildi, dep habarlady Májilistiń baspasóz qyzmeti.