Oblys ákimi – «Jyl eriktisi»

Atyraý oblysynyń ákimi Nurlan Noǵaev «Jyl eriktisi» atandy. Arnaıy dıplomdy atyraýlyq múmkindigi shekteýli balalardyń ata-analary aımaq basshysynyń esebi kezinde tabystady. Erlan Kúmisqalıevtiń «Aty­raý. Shaǵyn el» qoǵamdyq birles­tigi aýtızmge, psıhıkalyq damýy kesheýildegen jáne serebraldy sal aýrýyna shaldyqqan balalardy ıtterdiń kómegimen emdeýdi maqsat etedi. «Damýy kesheýildegen, týa bitti aýrýǵa shaldyqqan balalardyń erekshe álemderi bar. Olar tek ıtterge ǵana ashylady. Bul jerde ıt bala men ony qorshaǵan aınalasynyń arasyn jalǵaýshy dáneker ispet­ti. Kanısterapııa tásili, ıaǵnı arnaıy daıyndalǵan ıtter arqyly balalarǵa saýyqtyrý jumystaryn júrgizemiz. Qazir Amerıkadaǵy adam áleýetin art­tyrý ınstıtýtynyń ádisin qol­danamyz. Bizge keletin bala­lardyń seksen paıyzdan astamy ózderiniń aıaq-qoldary bar ekenin sezinbeıdi. Árıne, olardy emdep jazý uzaq ýaqytty talap etedi. Biraq, otyrmaǵan balanyń otyryp, sóıleı almaıtyn bala «papa, mama» dep, júre almaı kelgen sábı aıaǵyn basqanyn kórip, qýanamyz, jigerlenemiz», deıdi Erlan Kúmisqalıev. Qoǵamdyq birlestiktiń jumy­sy tórt jyl buryn bastal­ǵan. Memleketten kómek surap ta, alyp ta kórmegen ol eriktiler men qaıyrymdylyq jármeńkelerinen túsken qarajatqa ǵımarat jaldap kelgen edi. Jaqynda oblystyq ákimdik bas jáne julyn mıynyń jaraqatyna shaldyqqan balalardy beıimdeý, emdeý ortalyǵyn salý úshin 5 ga jer telimin bóldi. Bul ortalyq elimiz boıynsha birinshi ret Atyraýda salynady. Qazir qoǵamdyq birlestik quramynda 250 adam bar. Olar balalarynyń bolashaǵyna nemquraıly qaramaı, qoldaǵan oblys ákimi Nurlan Noǵaevty ótken jyldyń qorytyndysy boıynsha «Jyl eriktisi» dep ataýdy biraýyzdan uıǵarypty. Baqytgúl BABASh, «Egemen Qazaqstan» ATYRAÝ