Aqyndar da aıtady-aý...

– Teńizdiń sýyn ishýge bola ma? – dep suraǵanǵa Nurlan Musaev degen sabaz: – Júze almasań ishesiń ǵoı, – dep jaýap qatqan desedi. * * * Jas aıtysker aqyn Tań­jaryq Erjan ataqty Balǵynbek Imashevpen tanysýǵa baryp: «Atym Tańjaryq, tańǵa jýyq týylǵan soń ata-anam solaı dep atapty. О́zimnen keıin Keshjaryq degen inim bar» dese Balǵynbek: «Qaıyrly tún degen qaryndastaryń joq pa?» – degen eken. * * * О́tken jyly shilde aıynda Shyǵys Qazaqstan oblysyndaǵy Aqsýat óńirinde respýblıkalyq aıtys boldy. Júrsin Erman bastaǵan aqyndardy Tarbaǵataı aýdanynyń ákimi Dildábek Orazbaev pen aıtysty uıymdastyrýshy kásipker Dýlat Tastekeev bastaǵan azamattar quraq ushyp qarsy alǵan. Arnaıy tigilgen kıiz úıdegi dastarqannan keıin aldaǵy jospardy suraǵan Júkeńe uıymdas­tyrýshylardyń biri: – Endi qazir HIH ǵasyrdaǵy ataqty táýip, áýlıe Yrǵyzbaı Dosqanaulynyń basyna baramyz. Sol jerde kerekterińizdi surańyzdar. Áýlıe suraǵan­daryńyzdy beredi, – deıdi. Mońǵolııanyń Baıan О́lgeı aımaǵyna baryp, joldan sharshańqyrap turǵan Júrsin aǵa: – Yrǵyzbaı bul jerden qansha shaqyrym? – dep surady. – Seksen shaqyrym. Qýlana kúlgen Júkeń: – Onda sonaý jaqtaǵy áýlıeni áýre qylmaı-aq kere­gimizdi qasymyzdaǵy ákimnen suraı salaıyq ta, – dep turǵan­dardy qyran-topan kúlkige qaryq qylǵan eken. Ázirlegen Raýan QAIDAR, «Egemen Qazaqstan»