Uıymmen syndarly yntymaqtastyqqa ázir

Parlament Senaty Tóraǵasynyń orynbasary Bektas Beknazarov EQYU Demokratııalyq ınstıtýttar men adam quqyqtary jónindegi bıýrosynyń (DIAQB) dinı erkindik nemese senim máseleleri jónindegi aǵa keńesshi Kıshan Manochamen kezdesti. K.Manochanyń sapary Ortalyq Azııa aıma­ǵyn­daǵ­y dinı erkindik pen senimdi ilgeriletý arqyly qaý­ipsizdik pen áleýmettik toptasýǵa járdemdesý jónindegi DIAQB jobasyn iske asyrýǵa baılanys­ty jasalyp otyr. Meımanmen kezdesýde B.Beknazarov bul jo­banyń erekshe mańyzyn atap ótip, bizdiń eli­miz­de qalyptasqan ultaralyq jáne dinaralyq ke­­­lisim úlgisi týraly habardar etti. Senat Tó­ra­ǵa­sy­nyń orynbasary: «Toleranttylyq pen ke­m­sit­peý­shi­lik­ter qaǵıdattary kópultty Qazaq­stan­ úshin asa ma­ńyzdy», – dep atap ótti. B.Beknazarov Prezıdent Nursultan Nazar­baev­­­tyń Álemdik jáne dástúrli dinder kósh­bas­shy­larynyń sezin shaqyrý týraly bastamasy qar­qyndy iske asyp kele jatqanyn jetkizdi. Oǵan túr­li din ókilderi ǵana emes, álemdik aýqymdaǵy saıası qaıratkerler, bedeldi halyqaralyq uıym­dar­dyń, memleketter men úkimetterdiń basshylary arnaıy kelip, qatysyp júr, dedi B.Beknazarov. K.Manocha óz kezeginde Álemdik jáne dástúrli din­der jetekshileriniń forýmyna qatysa otyryp, Qazaqstan basshylyǵynyń toleranttylyq pen túr­li dinderdiń ózara túsinistigin ilgeriletýden aıny­maı­tynyna kózi jetkenin aıtty. EQYU DIAQB ókili, sondaı-aq, ulttyq, til men konfessııalyq alýan­dyqty saqtaý jónindegi Qazaqstan júrgizip ke­le jatqan saıasatqa zor yqylas bildirdi. Áńgime ba­rysynda 2011 jyly qabyldanǵan «Dinı qyz­met já­ne dinı birlestikter týraly» Zańdy iske asy­rý­dyń jekelegen máselelerimen taıaýda qu­rylǵan Din isteri jáne azamattyq qoǵam mı­nı­str­liginiń qyz­meti talqylandy. Kezdesý barysynda dinı tózbeýshilikke, eks­tremızm men terrorızmge qarsy is-qımyl má­se­l­elerine erekshe nazar aýdaryldy. Senat Tó­r­aǵa­synyń orynbasary «kez kelgen nanym-se­nim negiziniń burmalanbaýy, dinniń saıasat pen ıdeo­lo­gııa­nyń quralyna aınalmaýy tıis» ekenin atap kór­­setti. Áńgimeni aıaqtaı kelip, B.Beknazarov qa­­zaq­standyq parlamentshilerdiń birlesken jo­ba­­lardy iske asyrý aıasynda EQYU DIAQB-men syn­darly yntymaqtastyqqa ázir ekenin naq­tylady.