Beıbit kúndi baǵalaı bilýimiz kerek

Elimizdegi tynyshtyq, túrli etnostar men konfessııa­lar ara­synda túsinistik pen kelisim, elde júrgizilip jat­qan beı­bit saıasat úshin Alǵys aıtý kúniniń belgilengeni qa­zaq­stan­dyqtardyń jańa ǵasyrdaǵy jaqsy úrdisteriniń bi­ri. Kúndelikti ómirde, aǵyn sýdaı ótip jatqan tirlikte ty­nysh­tyqtyń qadirine eshkim nazar aýdara qoımaıdy, al osyndaı naqty kún belgilenip, eske salynǵanda adamnyń oılanyp, bardy baǵalaı bilýine bir serpin bolatyny sózsiz. Biz Má­ji­lis­tiń eń jas depýtaty, Qazaqstan halqy Assambleıasy de­pý­tattyq tobynyń múshesi Narıne MIKAELIаNDY áń­gi­mege tartyp, osy kúnniń ózi úshin qandaı mańyzy baryn su­raǵan edik. – Meniń otbasym Qazaqstan­da 1955 jyldan beri turyp ke­le­ jatyr. Naǵashy atam soǵysqa qa­ty­syp, tutqynǵa túsken eken. Je­ńis­ten keıin ony 10 jylǵa sot­tap, Saha eline jer aýdarady. Sol jaqta úılenip, kesilgen mer­zimin tolyq ótep shyǵady. So­dan keıin týǵan jerine barmaı, Qazaqstanda qonys teýipti. Onyń qalǵan ómiri osynda ót­ti. Anam osynda ósti, ákem Ar­me­nııa­da týǵanymen, meniń shesheme úılengen soń qazaqstandyq bol­dy. Men ózim Almatyda tý­yp, sonda ósken balamyn. О́zim­di jer­gilikti almatylyqpyn dep sanaımyn. Mektepti de, ýnı­­­versıtetti de Almatyda bi­tir­dim. Men Abaı atyndaǵy Qazaq ulttyq pedagogıkalyq ýnı­versıtetiniń halyqaralyq qu­­qyq fakýltetin 2005 jyly úz­dik bitirdim. Birneshe jyl Ar­menııanyń Qazaqstandaǵy elshi­li­giniń Almatydaǵy kon­sýldyq bó­­liminde kómekshi-re­fe­rent qyz­metin atqardym. Odan keıin bir­neshe kompanııa­da zańger bolyp istedim. Sol qyzmetterde júrgende armıan mádenı-etnostyq orta­ly­­ǵynyń jumysyna belsene qa­­tysyp, jastar qanatynyń je­­tekshisi boldym. Qazaqstan hal­­qy Assambleıasynyń jumy­sy­na da belsene aralastym. Al 2016 jyldyń naýryzynan QHA tizimimen armıan etnostyq ortalyǵynyń ókili retinde depýtat bolyp saılandym. – Narıne Gamletovna, Al­ǵys aıtý kúni siz úshin neni bil­diredi? Osyndaı kúndi bel­gi­leýdiń qanshalyqty qa­jet­ti­l­igi bar dep oılaısyz? – Biz bir-birimizge degen qurmetimizdi kúnde aıtyp, tatý kórshiligi men senimdi joldastyǵy úshin bir-birimizge kúnde razy­ly­ǵymyzdy bildirýimiz kerek. Biraq kúnde qaıtalaıtyn bolsaq, bul asyl dúnıemizdi aıaqasty etip alamyz. Sondyqtan bir kún­niń belgilengeni durys dep sa­naımyn. Qazaqstan halqy Assambleıasynyń qurylǵan kúni­ne belgilengen osy kúni bir-biri­mizge alǵysymyzdy aıtyp, ta­týlyq, úndestik, senim men qur­me­ti úshin janymyzdaǵy barlyq jan­darǵa alǵys aıtýymyz qa­jet. Árıne, eń aldymen osyndaı ahýaldy qalyptastyrǵan Elba­sy­myzdyń saıasatyna alǵysymyz sheksiz bolýy tıis. Beıbit kúndi baǵalaı bilýimiz kerek. – Áńgimeńizge rahmet. Áńgimelesken Jaqsybaı SAMRAT, «Egemen Qazaqstan»