Bozymbaev: 2019 jyldan keıin elimiz munaı ónimderimen tolyqtaı qamtamasyz etiledi

Qazaqstan munaı ónimderimen ishki suranysty 2019 jyldan keıin tolyqtaı qamtamasyz etedi. Bul týraly QR energetıka mınıstri Qanat Bozymbaev málimdedi. «Memleket basshysy óz Joldaýynda munaı óńdeý kólemin arttyrý qajettigin erekshe atap ótti. Úsh otandyq munaı zaýytyn jańǵyrtqan soń munaı óńdeý kólemi 2019 jyldan keıin 14,5 mıllıon tonnadan 17,5 mıllıon tonnaǵa deıin ósedi», – deıdi Qanat Bozymbaev Energetıka mınıstri benzın, dızel otyny, avıaotynnyń óndirisi artatynyn aıtty. «Munaı óńdeý zaýyty jańǵyrtylǵannan keıin iske qosylyp, tolyq jumys isteı bastaǵan kezde elimizdiń ishki suranysyn otandyq munaı ónimderimen tolyqtaı qamtamasyz etetin bolamyz. Janar-jaǵar maı boıynsha ımportqa táýeldilik bolmaıdy», – dedi Q. Bozymbaev. Aıta keteıik, elimizge janar-jaǵarmaıdyń qajetti bir bóligin Reseıden tasymaldanýda. Ásirese, suranysy joǵary AI-92 benzıni kórshiles elden keledi.