Kahaber Shadadze: «Qaıratqa» jańa oıynshylar kelýi múmkin

«Qaırat» fýtbol klýby búgin jankúıerleri men buqaralyq aqparat quraldaryna arnap baspasóz jıynyn ótkizdi. Jıynda komandanyń jattyqtyrýshy Kahaber Shadadze maýsym aldyndaǵy daıyndyqtar men josparlary týraly málimdedi. Reseıde ótken Granatkın memorıaly týrnırinde jastarymyz sátti aıaqtady. Jas oıynshylar qatarynda Aıdos Oral men Erkebulan Seıdahmet erekshe oıynymen kózge tústi. «Maýsymaralyq úziliste jastardy da, tájirıbeli oıynshylardy da qarastyrdyq. Oqý-jattyǵý jıyndary kezinde bizben talaı talantty oıynshylar jattyqty. Úlken fýtbolǵa endi qadam basqan jigitter damý ústinde desek bolady. Sondyqtan olardy birden negizgi quramda oınata almaımyz. Jas oıynshylarmen jumys isteıtin «Qaırattyń» arnaıy jattyqtyrýshylary bar. Olardyń keńesin basty nazarǵa alamyz. Talantty oıynshyny tapqanmen, birinshi quramda jattyǵý jasaýǵa daıyn bolmasa, biz onyń bosqa ýaqytyn alýymyz múmkin. Ýaqyty kelgende olar da óz múmkindigin alatyn bolady», – dedi Kahaber Shadadze. Vesti.kz málimeti boıynsha "Qaırat" jattyqtyrýshysy jańa oıynshylardyń keletindigin málimdedi. «Biz aldaǵy oıyndarǵa oıyn josparyn quryp qoıǵanbyz. Ortalyq shabýylshy qyzmetin Baýyrjan Turysbek tamasha oryndaı alady dep senemiz. Oqý-jattyǵý jıyndarynda senimnen shyǵa bildi. Ásirese, Máskeýdiń "Dınamo" komandasyna qarsy oıynda tamasha oıynymen kózge tústi. Basshylyq bul suraqty eshqashan nazardan tys qaldyrmaǵan. Oıynshy alý úshin de onyń komandaǵa tıgizetin paıdasyn saraptap alý kerek. Bul baǵytta jumystar jasalyp keledi. Jaqynda komanda quramy taǵy da jańa oıynshylarmen tolyǵyp qalýy ábden múmkin», – dedi ol. «Qaırat» sapynan osy Brýno Soares ketken bolatyn. Kahaber Shadadze bul jóninde: «Tize jaraqaty óte aýyr. Kezinde ózim de osydan zardap shekkenmin. Qaıta qalpyńa kelý qıyn. О́kinishke oraı, Brýno byltyr osy jaıtqa tap boldy. Ol úshin barlyǵyn jasadyq. Maýsym sońyna deıin saýyǵyp ketýin kúttik. Segiz aı ishinde bar jaǵdaıy jasaldy. О́kinishke oraı, burynǵy qalpyna kele almady. Oqý-jattyǵý jıyndary kezinde jattyǵýlardy tolyqtaı oryndaı almaı júrgeni baıqaldy. Biz oǵan negizgi komandada jattyqqanymen, birinshi lıgada oınaý týraly usynys jasadyq. Tıisinsh, ol kelispedi. Sondyqtan ózge komandaǵa aýysý týraly sheshim qabyldady. Oǵan densaýlyq, aldaǵy oıyndaryna sáttilik tileımiz», – dedi jattyqtyrýshy. Aıta keteıik, 4 naýryz kúni Almatyda Qazaqstan Sýperkýbogyn «Qaırat» pen «Astana» sarapqa salady.