Toı – toılaý emes, oılaý úshin kerek

Keshe «Nur Otan» partııasynyń ortalyq apparatynda partııa Tóraǵasynyń birinshi orynbasary Muhtar Qul-Muhammed uıym ardagerleri, Májilis depýtattary, partııanyń jastar qanaty jáne aımaqtyq fılıaldar ókilderiniń qatysýymen jınalys ótkizdi. Jınalǵandar aldynda sóı­legen M.Qul-Muhammed 1 naýryz­dyń kóptegen merekelerdiń ba­syn qosqan kún ekenin atap ótti. Naqty­laı aıtqanda, partııa Tóraǵa­sy­nyń birinshi orynbasary naýryz­dyń alǵashqy kúni Qazaq­stan halqy Assambleıasy quryl­ǵanyn jáne osy kún Elba­sy Jar­lyǵymen Alǵys aıtý kúni bo­lyp bekitilgenin jetkiz­di. О́zara tolyq túsinistik, úndes­tik, kelisim­men ómir súrip jatqa­ny­myz úshin Elbasy­na, Elbasynyń be­ı­bit­súıgish saıasatyna, bir-birimizge al­ǵys aıtýymyz kerek. Mine, osyndaı toılarymyz qutty bolsyn. Jalpy toı degenniń ózi – toılaý úshin emes, oılaý úshin kerek, dedi ol. Memlekettik Ánuran oryndal­ǵannan keıin, M.Qul-Muhammed «Nur Otan» partııasynyń Qazaq­­stan­nyń saıası ómirindegi orny men mańyzyna toqtalyp ótti. Biz táýelsizdigimizdiń 25 jyl­dyǵyn jyl boıy atap óttik. О́ıt­keni, ol qazaqstandyqtar­dyń otan­shyl­dyǵyn, patrıotızmin jap­paı nasıhattaý úshin, táýel­sizdiktiń mańyzyn bil­dirý úshin kerek boldy. Elbasy Nursultan Nazarbaev irgetasyn qalaǵan bizdiń partııamyzdyń árbir kúni de osy saıası kúshtiń kúni bolýy kerek. О́ıtkeni, biz – qoǵam men Elbasynyń arasyn jaqyndastyratyn úlken kúshpiz. Parlamenttik saılaýda halyqtyń basym kópshilik daýysyna ıe bolǵan partııa bolǵandyqtan, biz halyqtyń sózin sóıleýimiz kerek, halyqpen birge bolýymyz kerek. О́kiletti organdarǵa partııa atynan saılanǵan barlyq depýtattar osy mindetti abyroımen atqaryp otyrǵanyna senimdimiz, deı kelip, M.Qul-Muhammed Qazaqstan halqy Assambleıasynyń mańyzyn da atap ótip, olardy da Alǵys aıtý kúnimen quttyqtaıtynyn jetkizdi. Sóziniń qorytyndysynda par­tııa Tóraǵasynyń birinshi oryn­basary saıası uıymnyń barlyq ardagerleri men jastardy osyndaı aıtýly kúnmen taǵy da quttyqtap, partııa qataryna jańa­dan ótken birneshe adamǵa óz qo­ly­men kýálik tapsyrdy. Olar­dyń arasynda ánshi Rýhııa Baı­dúkenova, akter Danııar Juma­dilov, aqyn Marǵulan Atan, stý­dent Qarakóz Amantaı, jas kásip­ker Samat Bıǵazy, ınjener Asyl­bek Jalmuhanbet, aıtys aqy­ny Jandarbek Bulǵaqov jáne t.b. boldy. Osydan keıin birneshe partııa belsendisine saıası uıymnyń marapaty tapsyryldy. «Belsen­di qyzmeti úshin» atty tósbelgi­men marapattalǵandardyń ara­synda Májilis depýtattary Qabıbolla Jaqypov, Baqtyqoja Izmuhambetov, Zaǵıpa Balıeva, Bekbolat Tileýhan, Amanjan Jamalov, Káribaı Musyrman jáne t.b. boldy. Jaqsybaı SAMRAT, «Egemen Qazaqstan»