Berseń, balaǵa ber

Almatydaǵy «Alataý» dástúrli óner teatrynyń kınozalynda Qazaqstan halqy Assambleıasynyń aıasynda Alǵys aıtý kúnine oraı daıyndalǵan jańa mýltfılmniń balalarǵa arnalǵan qaıyrymdylyq kórsetilimi ótti. Is-shara, «Nur Otan» partııasynyń, Almaty qalasy ákimi apparatynyń «Qoǵamdyq kelisim» kommýnaldyq memlekettik mekemesiniń, sondaı-aq, «Alataý» dástúrli óner teatrynyń qoldaýymen uıymdastyryldy. 2016 jylǵy 14 qańtarda El­ba­sy Nursultan Nazarbaev ózi­niń №173 Jarlyǵymen eli­mizde 1 naýryzda toılana­tyn Qazaq­stan halqy Assam­bleıasy­nyń qurylǵan kúnin «Alǵys aıtý kúni» dep jarııalaǵan edi. Osyǵan oraı QHA tarapynan qaıyrymdylyq ıgi sharalar ótkizý úrdiske aınalyp keledi. «Berseń, balaǵa ber» dep halyqtyń bolashaǵy sanaly urpaq dep bilgen halqymyz el erteńi balanyń baqytty balalyq shaǵyna kóp kóńil bólgen. Atalǵan qaıyrymdylyq kór­setilimi: ata-ana qamqorly­ǵynan aıyrylǵan balalarǵa, múmkindigi shekteýli balalar men áleýmettik jaǵdaıy tómen, kópbalaly otbasy balalaryna arnaldy. Sondaı-aq, is-shara­ǵa «Almaty qalasynyń psıho­nevrologııalyq aýytqýlary bar múgedek balalarǵa arnalǵan kún­diz bolý ortalyǵy» KMM bala­lary, turmysy tómen otba­sy­nan shyq­qan balalarǵa ar­nal­ǵan №10 JBB mektep-ın­ter­nat tár­bıelenýshileri, «Úmit» balalar úıiniń balalary men sóıleý qabileti óte nashar bala­larǵa arnalǵan №9 ar­naıy (túzeý) mektep-ınter­na­ty­nyń tárbıe­lenýshileri de qatys­tyryldy. Jańa mýltfılmdi 2 seans­pen barlyǵy 200 bala tamashalady. Kórsetilimge kirer­de balalarǵa popkorn men túrli sýsyndar taratyldy. «Munda kelgen óskinder keremet áserge bólenip qaıtty. Júzderi bal-bul jaınap, qýanysh sezim­derin bir-birine jetkizip máz-meı­ram. Basqalar sııaqty ata-ana qusha­ǵynyń jylýyn sezine almaı­tyn taǵdyrly balalardyń qýan­ǵanyn kórgende eriksiz júre­giń jylıdy», – deıdi «Alataý» kınozalynyń jetek­shisi ári sharany uıymdas­tyrý­shy­lardyń biri Rıta Halelqyzy. Is-shara aıasynda Qazaqstan halqy Assambleıasy etnomádenı birlestikteriniń balalarǵa arnal­ǵan syılyqtary taratyldy. Arman OKTIаBR, jýrnalıst ALMATY