Memlekettik satyp alýlar júıesi jetildiriledi

Elbasy Nursultan Nazarbaevtyń Qazaq­stan halqy­na arnaǵan «Qazaqstannyń Úshinshi jańǵyrýy: jahan­dyq básekege qabilettilik» atty Joldaýyn óńir hal­qy­na nasıhattaý maq­satynda Qarjy mı­nıstri Baqyt Sultanov Jambyl oblysynda bo­lyp, «Nur Otan» par­tııa­sy oblystyq fı­lıalynda ótken jıynǵa qatysty. О́z sózinde mańyzdy qu­jat­­­ta aıtylǵan bes basym­dyqqa jeke-jeke toqtalǵan mınıstr árbir basymdyqtyń júktegen ózgeshe mindeti men maqsatyn da atap ótti. – Memleket basshysy Qazaqstan halqyna Jol­daýyn­da respýblıkanyń jahan­dyq básekege qabilettiligin qam­ta­ma­syz etetin elimiz­diń Úshin­shi jańǵyrtylýyn júr­gizý mindetin qoıdy. Jańa jahandyq qubylysta elimizdiń básekege qabilet­tiligi – bul jahandyq pro­seske jańa ındýstrııalar qurý­dy belsendi engizý. Jańa ındýs­trııalardy damytýmen qatar, ekonomıkanyń dástúr­li salalarynyń belsendi jań­ǵyrýyn engizý qajettigi de ma­ńyzdy, – dedi Baqyt Turlyhanuly. Sondaı-aq, mınıstr óz sózinde kásipkerlik basta­ma­shy­lyq pen halyqtyń iskerlik qabiletin qoldaı otyryp, ekonomıkadaǵy mem­lekettiń rólin qysqartý qajettigine erekshe nazar aýdardy. B.Sul­tanovtyń aıtýynsha, qaýipsizdikti qam­tamasyz etý úshin 2017-2020 jyldarǵa arnalǵan dinı ekstremızm men ter­rorızmge qarsy áre­ket jónin­degi memlekettik baǵ­darlama jáne kıber­qyl­myspen kúres úshin «Qazaq­stan kıberqalqany» júıesi qabyldanatyn bolady. Sy­baılas jemqorlyqpen kúres máselesinde onyń sebep­teri men alǵysharttary anyq­ta­lyp, olardy joıý baǵy­tyn­­daǵy jumystyń kúsheı­t­ile­tinin aıtqan mınıstr atal­ǵan maqsat úshin ortalyq­tan­dyrylǵan qyzmet qaǵıdaty boıynsha memlekettik satyp alýlar júıesin jetildirý kózdelgenin de atap ótti. Hamıt ESAMAN, «Egemen Qazaqstan» Jambyl oblysy