Jumyssyzdarǵa – tegin kýrs

Elbasynyń halyqqa Joldaýynda aıtylǵan barshaǵa arnalǵan tegin kásiptik-tehnıkalyq bilim berý máselesi boıynsha Atyraý óńirinde naqty jumystar bastaý aldy. «APEC PetroTechnic» joǵa­ry kolledjinde «Consolidated Construction Company» kompanııasy baǵdarlamasynyń biliktilikti arttyrý kýrstary ashyldy. Oqý ortaly­ǵyn­da jastar zamanǵa saı ha­lyq­aralyq dárejedegi elektr­­ mamany, dánekerleýshi, qubyr mon­taj­daýshy jáne usta ma­man­dyqtaryn tegin meńgeredi. Bul óz kezeginde munaı-gaz sala­syn­daǵy jobalarda bilikti otan­dyq mamandar qataryn kó­beıtýge múmkindik beredi. «SSS» kompanııasynyń prezıdenti Samer Hýrıdyń aıtýynsha, oqytý barysynda mamandar óndiristik qaýipsizdik baǵytyndaǵy halyqaralyq tájirıbelermen bólisedi. Al úzdik bitirip shyqqan jastar kompanııanyń shet elderdegi iri halyqaralyq qurylys nysandarynda synaqtan ótedi. Oqytý kýrstary tórt aıǵa sozylady. Joba aıasynda júzden astam azamat bes topta biliktilikterin arttyryp, halyqaralyq dárejedegi sertıfıkat ıelenbek. – Bıyl oblys boıynsha memleket tarapynan 500 jumyssyz kásiptik-tehnıkalyq baǵytta oqytylady, – deıdi oblystyq jumyspen qamtý jáne áleý­mettik baǵdarlamalar basqar­masynyń basshysy Erkin Shpanov. Baqytgúl BABASh, «Egemen Qazaqstan» ATYRAÝ