Partııalar básekelestigi artady

Árqashan halyqtyń múddesi jolynda, bıznesti qoldaý baǵy­tyn­da qyzmet etip júrgen «Aq jol» partııasy konstıtýsııalyq ózgeristerge qatysty óziniń 18 naqty usynysyn daıyndap, jumys tobyna jibergen bolatynbyz. Eger bul ózgerister júzege assa, bılik tarmaqtarynyń ókilettilik quzy­reti kúsheıip, Úkimet pen Parlamenttiń jaýap­kershiligi artatyn bolady. Mundaı refor­malardyń arqasynda saıası partııalardyń arasyndaǵy básekelestik te artady. Bul – óte mańyzdy. Jalpy, Elbasy osy aýqymdy reforma sheńberinde birqatar ókilettigin bıliktiń túrli tarmaqtaryna berýdi usyndy. Bul – memleket tarıhyndaǵy erekshe jaǵdaı. Sebebi, bılik tarmaqtarynyń áleýetin keńeıtý arqyly olar­dyń halyq aldyndaǵy jaýap­ker­shiligin arttyrýdy kózdep otyr. «Aq jol» partııasy Prezı­dent­tiń bul tarıhı sheshi­min qýattaıdy. Parlament depýtattary da óz kezeginde bul sheshimdi jan-jaqty oı eleginen ótkizip, qoldaý bildirdi. Sebebi, bul – bılik tarmaqtary júıesin jan­dandyrýǵa sep bolatyn úderis. Al ol eko­nomıkany damytýdy, halyqtyń ál-aýqatyn arttyrýdy, Parlament pen Úki­mettiń qoǵam aldyndaǵy ashyqtyǵyn qam­tamasyz etýdi qarastyrady. Azat PERÝAShEV, Parlament Májilisiniń depýtaty