Memleket qarjysy tıimdi ıgerilýi tıis

Qazaqstan Prezıdenti óziniń óki­lettiginiń biraz bóligin bıliktiń bas­qa tarmaqtaryna – Úkimet jáne Par­lamentke berý arqyly aýqymdy kons­tıtýsııalyq reformany júzege asyrýdy usynyp otyr. Elbasynyń bul usynysy qoǵam tarapynan qoldap, qýattaldy. Jan-jaqty talqylandy. Máselen, Konstıtýsııaǵa ózgerister engizýge qatysty 6 myńnan astam túzetýler men usynys-tilekter kelip tústi. Olardyń barlyǵy talqy tarazysynan ótti. Bul ózgerister Úkimet pen Parlamenttiń ókilettikterin keńeıtip qana qoımaı, olardyń jaýapkershilikterin de arttyra túsetini sózsiz. Dál qazir bul óte mańyzdy. Sebebi, olar Memleket basshysynyń «Qazaqstannyń Úshinshi jańǵyrýy: jahan­dyq básekege qabilettilik» Jol­daýynda kóterilgen máselelerdi oryn­daýǵa, júzege asyrýǵa baǵyttalýy tıis. Demek, qazirgi tańda qolǵa alynyp jatqan barlyq reformalardyń ózegi, mine, osyǵan kelip tireledi. Olar qoǵamdy demokratııalandyrý, barlyq bılik tarmaǵynyń jaýapkershiligin arttyrý sekildi tetikterge súıenip otyr. Búginde eger, konstıtýsııalyq reformalar júzege asatyn bolsa, Úkimettiń Parlament aldyndaǵy jaýapkershiligi kúsheıetindigi jóninde kóp aıtylyp júr. Bul – óte ózekti másele. Parlament te osy arqyly óz jaýapkershiligin arttyryp, baqylaý tetigin nyǵaıtatyn bolady. Jaýapkershiliktiń artýyn «Nurly jol», «Nurly jer» sekildi mańyzdy memlekettik baǵdarlamalardyń qolǵa alynýymen de baılanystyrýymyz kerek. Sebebi, bul baǵdarlamalarǵa aýqymdy qarjy bólinedi, al memleket qarjysynyń tıimdi ıgerilip, durys nátıje kórsetýine tıisti deńgeıde baqylaý júrgizý qajet. Bul rette, biz mynany eskerýimiz kerek. Memleket basshysy bılik tarmaq­tary arasynda ókilettikterdi bólý arqyly olarǵa úlken senim artyp otyr. Tatıana IаKOVLEVA, Parlament Májilisiniń depýtaty