Jetkinshektiń júldesi

Táýelsizdik alǵan jyldar ishindegi el abyroıynyń bıikten kórinýine sport salasyndaǵy saıypqyran sańlaqtar az úles qosqan joq. Osy bir úrdis urpaqtar arasyndaǵy dástúrge aınaldy desek te bolady. Al­dyńǵy tolqynnyń qadamyn keıingi ul men qyz jalǵastyryp keledi. Onyń ishinde mektep oqýshylary men stýdentterdiń arasyndaǵy jeńisi qaı jaǵynan da qadir tutýǵa laıyq. Sondaı bir jaqsy jetistikke jetken jas ulan, Almaty qalasyndaǵy № 159 gımnazııanyń 8-synyp oqýshysy Temirlan Áıtimov Úndistannyń Mým­baı qalasynda India Kudo International Federation uıym­das­tyrýymen ót­ken kýdo shyǵys jek­pe-jeginen Álem ký­bo­­gynyń bas júl­desine ıe boldy. – Mundaı jo­ǵary deńgeıdegi do­daǵa bizdiń alǵash qatysýymyz. Úmi­timizdi úkilep, el na­­mysyn qorǵaýǵa bar­ǵannan keıin namysty qam­shylaýǵa týra keledi eken. Temirlan qaıratyna minip, jigerin janyp, alǵashqy kúnnen bastap-aq alǵa umtyldy. Tókken terimiz zaıa ketpedi. Jeńimpaz atanyp Otanymyzdyń kók týyn Úndi elinde jelbirettik, – deıdi Temirlannyń bapkeri Damır Aqserikuly. Jalpy, bizdiń elimizde karatemen aınalysý ótken ǵasyrdyń 90-jyldarynyń basynda qanat jaıa bastaǵany málim. Al 2001 jyly halyqaralyq uıym sheshimi boıyn­sha daıdo-djýký karate-do ataýy kýdo bolyp aýys­tyryldy. Kýdo – Takashı Adzýma negizin qalaǵan karate túri, japon tilinen aýdarǵanda – «ashyq sana joly» degen maǵynany bildiredi. Bul kýdomen aınalysatyn tulǵalardyń jarasymdy damýyna arnalǵan rýhanı jáne fızıkalyq ózin ózi jetildiretin jan-jaqty júıe. Sonymen, jeńimpaz dep ta­nylǵan 14 jastaǵy Temirlan Áı­timov aldaǵy ýaqytta da azat Qazaq eliniń mártebesin kýdo shy­ǵys jekpe-jegi boıynsha bıik­tete berýge bel baılaǵan. Súleımen MÁMET, «Egemen Qazaqstan»