Astanaǵa qaraǵanda Almatyda úı qurylysy jaqsy júrýde

Turǵyn úı qurylysy rekord jańartyp jatyr. 2017 jyldyń qańtar aıynda qurylys kompanııalary byltyrǵydan 1,37 mln sharshy metr artyq saldy. Bul ótken jylǵymen salystyrǵanda 80 paıyzǵa kóp. Bul týraly energyprom.kz saraptama qyzmeti jazady. Saıttyń habarlaýynsha, ınvestısııa aǵymynyń kóptigi de aldaǵy ýaqytta bul salanyń qarqynyn joǵaltpaıtynynan habar beredi. Qańtar aıynda salaǵa salynǵan kapıtal kólemi 59 mlrd teńge bolǵan. Jańa salynǵan úılerdiń kóptigi jaǵynan Almaty kósh basynda. Qańtar aıynda salynǵan 475,4 myń sharshy metr qurylys ótken jyldyń osy ýaqytymen salystyrǵanda 3,6 ese artyq. Almatydaǵy qurylys jalpy eldegi salynǵan páterlerdiń 34,8 paıyzyn quraıdy. Al ekinshi oryndaǵy Astananyń úlesine eldegi paıdalanýǵa berilgen páter kóleminiń 22,2 paıyzy tıesili. Mundaǵy salynǵan 302,9 myń sharshy metr byltyr osy aıdaǵy kórsetkishpen salystyrǵanda 71,5 paıyzǵa artyq. Jalpy úı qurylysynyń 47,9 paıyzyn qurylys kompanııalary salsa, 44,5 paıyzyn halyq salǵan. Al 7,6 paıyzy memlekettiń úlesinde. Aıta keterligi, memlekettiń qurylys salý kórsetkishi byltyrǵymen salystyrǵanda 12,6 paıyzǵa azaıǵan. 2017 jyly "Nurly jer" baǵdarlamasy boıynsha, 10 mln sharshy metrden astam úı salý josparlanǵan. Sonń ishinde 1,6 mln sharshy metr (28 myń páter) memlekettik ınvestısııa esebinen salynsa, taǵy 8 myńdaıy alǵashqy baspana alý úshin ıpotekalyq qaryzǵa, qalǵan 600 myń sharshy metri qurylys kompanııalarynyń nesıelerin sýbsıdııalaý esebinen salynbaq. Kópjyldyq kórsetkishke qaraıtyn bolsaq, eldegi qurylys salasy jyl saıyn rekord jańatyp keledi. 2016 jylǵy salynǵan úıdiń jalpy aýmaǵy (10,51 mln sharshy metr) 2015 jylǵy kórsetkishten 17,6 paıyzǵa artyq bolǵan. Al 2015 jyly 2014 jylǵy kórsetkishten 18,9 paıyzǵa artyq salynǵan.