Dıplomatııalyq ókildi qabyldady

Senat Tóraǵasy Qasym-Jomart Toqaev Vatıkannyń Qazaqstandaǵy Apostol Nýnsııi Frensıs Assızı Chýllıkatty qabyldady, dep habarlady Senattyń baspasóz qyzmeti. Q.Toqaev bıyl Qazaqstan men Kıeli Taq arasyndaǵy dıp­lo­matııalyq qatynastar orna­ǵanyna 25 jyl tolatynyn atap ótti jáne bizdiń elimizdiń Vatı­kanmen ózara is-qımyly men ózara túsinistiktegi joǵary deń­geıi týraly rızashylyqpen aıtyp berdi. Kezdesý barysynda Álemdik jáne dástúrli dinder lıderleri Hat­shylyǵynyń aldaǵy 18 mamyr­daǵy otyrysynyń máse­le­­leri qaraldy. Astanada 2018 jy­ly ótetin VI Sezdiń kún tárti­­bin qalyptastyrýǵa Rım-kato­­lık shirkeýiniń belsen­di qaty­­sýynyń mańyzy atap ótildi. Júzdesýshiler bıyl­ǵy qyr- kúıektiń basynda EKSPO-2017 halyqaralyq kór­me­siniń aıasynda túrli konfes­sııalardyń dinı qaıratkerleriniń qatysýymen birlesken shara ótkizý týraly áńgime órbitti. Senat Tóraǵasy Apostol Nýnsııin bizdiń elimizdegi kons­tıtýsııalyq reforma týraly habardar etti. F.A.Chýllıkatt óz kezeginde: «Biz Qazaqstandaǵy jańa saıası reformalarǵa qoldaý bildiremiz. Sizderdiń elderińiz aımaqtaǵy demokratııalyq da­mýdyń úlgisi bolyp tabylady. Táýelsizdiktiń shırek ǵasy­rynda Qazaqstan aýqymdy ister atqardy, damýda zor jetistikterge jetti», dep atap ótti.