KASE stýdentterge bırjada saýda jasaýdy úıretedi

29 naýryzda Qazaqstannyń qor bırjasy men «IRBIS» qarjy naryqtary týraly aqparat agenttigi uıymdastyratyn «Bırjalyq yntalandyrýshy» respýblıkalyq stýdentter jobasy bastalady, dep habarlaıdy abctv.kz. Atalmysh joba  qarjy jáne ekonomıka fakýltetteri stýdentterine  qazaqstandyq kompanııalardyń asa ótimdi aksııalary saýdasyna tegin qatysýǵa múmkindik beredi. Ol KASE saýda júıesinde qurylǵan jáne barlyq kotırovkalar shynaıy saýdadan alynady. Jobanyń bas áriptesi «Frıdom Fınans» bolyp tabylady. Jobanyń áriptesteri «Sesna Kapıtal», «Kazkom Sekıýrıtız» jáne «Sentras Sekıýrıtız» bolyp otyr. Jobanyń júlde qory 1 mln teńgeni quraıdy. Jeńimpazdar oqý saýdalarynyń qorytyndysy boıynsha anyqtalmaq. Sondaı-aq stýdentter  qarjy uıymdarynda tájirıbeden ótýge múmkindik almaq. Elimizde stýdentterge arnalǵan oqý saýdalary  2008 jyldan beri júrgizilip keledi. Barlyǵy atalǵan kezeń ishinde saýdaǵa joo-lardyń 3 myńdaı stýdenti qatysty. Joba bir aı jalǵasyp, 26 sáýirde aıaqtalady. Qatysýshylardy tirkeýdiń sońǵy kúni  – 2017 jyldyń 27 naýryzy.