Boksshy Aıdar Sháribaevtyń qarsylasy anyqtaldy

Qazaqstandyq kásipqoı boksshy Aıdar Sháribaevtyń kelesi qarsylasy anyqtaldy. Ol AQSh-tyń Maıamı qalasynda 17 naýryz kúni meksıkalyq Gabıno Gotamen judyryqtasady, dep habarlady vesti.kz. Jeńil salmaq dárejesinde ótetin jekpe-jek alty raýndqa sozylady. «Qarsylasymdy uzaq tańdadyq. Nebári 23 jasta bolsa da óte tájirıbeli sportshy. Kásipqoı rıngke shyqqanyna alty jyl bolǵan. Árıne, ózime ózim senimdimin. Jeńiske jetý úshin barymdy salamyn. Chempıondyq ataqqa aparar jekpe-jekterdiń biri bolaıyn dep tur. Meni alda naǵyz syn saǵaty kútip turǵany anyq», – dedi Aıdar Sháribaev. Jerlesimiz Maıamıdegi Moro’s Gym zalynda kýbalyq bapker Osmırı Fernandestiń qaramaǵynda daıyndalyp júr. Jattyǵý jumystary kezinde London Olımpıadasynyń chempıony Lıýk Kempbelmen sparrıngtik jekpe-jek ótkizgen. Aıta keteıik, Aıdar Sháribaev kásipqoı boksta tórt kezdesý ótkizip, bárinde jeńiske jetken. Onyń úsheýin ýaqytynan buryn aıaqtaǵan bolatyn. BoxRec reıtınginde 253-orynda keledi. Al Gabıno Gota 27 ret rıngke shyǵyp, 19 kezdesýin jeńispen aıaqtaǵan. Sondaı-aq, bireýinde teń tússe, qalǵan altaýynda qarsylasyna ese jibergen. Reıtıngte 187-orynda tur.