Golovkın men Djeıkobs 17 naýryzda salmaqtaryn ólsheıdi

Orta salmaqta WBA (Super), IBO, WBC jáne IBF nusqalary boıynsha álem chempıony qazaqstandyq Gennadıı Golovkın (36-0, 33 KO) men WBA (Regular) belbeýiniń ıegeri amerıkalyq Denıel Djeıkobs (32-1, 29 KO) jekpe-jek aldynda salmaq ólsheý rásimi ótetin ýaqyty belgili boldy. RING basymylymynyń jýrnalısi Maıkl Výds týıtter paraqshasynda qos boksshy 17 naýryz kúni 09:00-de (Astana ýaqyty boıynsha 20:00) salmaq ólsheıtinin habarlady. Rásimniń mundaı erte ótýi Madison Square Garden arenasynyń bos bolmaýymen baılanysty bolyp otyr. Amerıkalyq tilshi Stıv Kım 17 naýryzda ırlandııalyq Maıkl Konlannyń boks keshi ótetinin málimdedi. Al apta sońynda stýdentter arasynda NCAA basketbol lıgasy ótedi. Osyǵan baılanysty salmaq ólsheý rásimin tańerteńge qoıypty. Golovkın men Djeıkobs jekpe-jegi óterden 30 kún buryn salmaqtaryn ólshegen. Ol kezde qazaqstandyq 165,1 fýnt (74,89 kg) bolsa, amerıkalyqtyń salmaǵy 174,8 fýntty (79,29 kg) kórsetken bolatyn. Aıta keteıik, qos boksshynyń arasyndaǵy aıqas 18 naýryzda ótedi.