О́zgerister ózdiginen kelmeıdi

Eýrazııalyq top (ERG) quramyndaǵy «Qazhrom»TUK» AQ fılıaly – Aqsý ferroqorytpa zaýytynda «О́zgerister kóshbasshysy» jáne «Kóshbasshy-2020» taqyryptarymen korporatıvtik oqý jobalarynyń alǵashqy kezeńi ótti. Jobalar óndiriste eńbek etip júrgen orta býyn basshylardyń jáne kompanııa jastarynyń basqarýshylyq daǵdysymen kóshbasshylyq qabiletterin arttyrýǵa baǵyttalǵan. Iаǵnı, oqý baǵdarlamasy aıaqtalǵan soń, olar naǵyz kóshbasshy ǵana emes, alyp óndiristerdi bas­qara biletin, kásiporyndardy báse­kege qabiletti ete alatyn bilik­ti maman bolyp, bolashaqta óndi­ris­tik jumys oryndarynda ózge­ri­ster engizip, tıimdi bız­nes-jobalar jasap, jańa tehnolo­gııa­lardy iske qosa bilýi kerek. «О́zgerister kóshbasshysy» jáne «Kóshbasshy-2020» joba­lary óte mańyzdy. Biz de mu­ny qabyl­daýǵa, úırenýge tıis­piz. О́n­diristerdegi eski ádis-tásil­­der­den arylyp, barlyǵy da jańa­shyl­dyqqa daıyn bolýy kerek. Elimizde jańa ındýs­trııalar qurý, eńbek ónim­di­ligin arttyrý kerek, óner­ká­sip­­tik revolıýsııa, avto­mat­tan­d­yrý, robottandyrý, jasan­­dy ıntellekt, «aýqymdy máli­met­ter» almasý jaıy, tehnolo­gııa­lyq qaıta jaraqtandyrýdyń keshendi sharalary bastaldy. Jal­py, qaı jerde bolmasyn, mened­jmentti jańǵyrtýsyz kom­panııanyń básekelestigin art­tyrý múmkin emes. Mysaly, «Mened­jermen betpe-bet jáne «О́zgeristermen basqarý» atty semınarda kásiporynda jańashyldyqtardy engizý son­shalyqty qorqynyshty emes ekendigin kórsetti», – deıdi zaýyt­tyń óndiristik bólim bastyǵy V.Martynov óz sózinde. Al seh bastyǵy T.Qalenov bylaı deıdi: «Men «О́zgerister kóshbasshysy» tobyna túskenime óte qýanyshtymyn. Qaraýym­daǵy sehta 365 jumysshy bar. Bu­ǵan deıin jalǵyz ózime bas­qarý jaýapkershiligi óte qıyn edi. Al qazirgi jańǵyrtý joba­lary­­na saı ótken oqýdan ke­ıin jańa álem ashylǵandaı. Jańa­shyldyq, úırený degen osy. Qazir jumysty retteý álde qaıda jeńildendi». Eýrazııalyq topta eńbek etip júrgen jumysshy-qyzmet­kerlerdiń biliktiligin arttyrý sharalary Master of Vusiness Administration, «Mını-MVA», «Standart menedjera ENRC» atty kóshbasshylyq baǵ­dar­lamalardyń aıasynda júr­gizilýde. Osy baǵytta kompanııa­da jumys isteıtin 600-den as­tam kadr qaıta daıarlyqtan ótpekshi. Farıda BYQAI, «Egemen Qazaqstan» Pavlodar oblysy, Aqsý qalasy Sýretti túsirgen Iýlııa LEDAK