«Qaırat» norvegııalyq oıynshymen tolyqty

Reseıdiń «Amkar» klýbynyń shabýylshysy Chýma Anene elimizdiń «Qaırat» komandasyna resmı túrde aýysty. Bul týraly «Amkar» klýbynyń baspasóz qyzmeti habarlady. Chýma Anene «Amkar» sapynda 24 oıynǵa qatysyp, eki goldyń avtory atanǵan. Sońǵy ret keshe Reseı birinshiliginde «Zenıtke» qarsy oıynda alańda 90 mınýt ótkizdi. «Qaırat» komandasynyń prezıdenti Qaırat Boranbaevpen kelissózder barysynda jańa shabýylshy izdeýge barynsha kiriskenine kýá boldym. Tańdaý kezinde áriptesterimizdiń jańylyspaǵanyna senimdimin. Chýma Aneneniń Qazaqstan chempıonatyndaǵy jarqyn oıynshylardyń biri ǵana emes, sonymen qatar «Qaırattyń» eýrokýboktyq oıyndaryna da septigin tıgizetinine senimdimin», – dedi «Amkar» klýbynyń dırektory Denıs Maslov. «О́z qatarymyzǵa Alekseı Gasılındi qosqannan keıin legıonerlerge engizilgen zań boıynsha negizgi quramda úzbeı oınaýyna qıyn bolatyn edi. Sondyqtan qysqa ǵana ýaqyt ishinde mansabyn ary qaraı jalǵastyratyn laıyqty ujymdy taptyq. Bul barlyǵymyz úshin ekonomıkalyq jaǵynan da, fýtbol turǵysynan da tıimdi sheshim boldy. Komandamyzǵa sińirgen eńbegi úshin oǵan alǵys aıtyp, aldaǵy ýaqytta tek sáttilik tileımin!» – dedi ol. «Amkar» meniń kásibı túrde jetilýime úlken eńbegin sińirdi. Munda ózime degen senimdiligim artyp, ómirimniń sońyna deıin jetetin tájirıbe jınadym. Reseılik klýbqa kishkene de bolsyn paıdamdy tıgizgenime qýanyshtymyn. Endigi «Amkarǵa» tek jeńis pen kóp gol soǵýyn tileımin!» – dedi «Qaırattyń» jańa oıynshysy. Buǵan deıin «Qaırattyń» osy transfer úshin bir mıllıon eýro tóleıtini habarlanǵan bolatyn. Aıta keteıik, 23 jastaǵy Anene Norvegııada týǵan. Kásibı mansaby 2011 jyly bastalǵan. О́z elinde «Volerengý», «Ýll/Kısý» jáne «Stabek» klýbtarynda oınasa, Makedonııada «Rabotnıchkı» ujymynyń namysyn qorǵaǵan.