Golovkın týraly taǵy bir án jazyldy (vıdeo)

Orta salmaqta WBA (Super), IBF, IBO jáne WBC tujyrymdary boıynsha álem chempıony Gennadıı Golovkın týraly taǵy bir án jazyldy. «GGG» atty kompozısııanyń avtorlary – qaraǵandylyq Murat Bekishev pen prokýror Berik Amhetjanov. Bul án eki tilde oryndalady. Mátininde boksshynyń el maqtanyshy ekeni, týǵan jeri týraly aıtylǵan. Buǵan deıin Golovkınge týyndysyn arnaǵan ánshiler bolǵan. Máselen, qyrkúıek aıynda Dıana Sharapova «Gena King» ánin oryndasa, Anýar Nurpeıisov, Marına Beısehanova jáne peper Hamza Dostoıarov bul isten qalys qalmaǵan. Al 2014 jyldyń qazan aıynda amerıkalyq reperler Marıo Rýıs pen Omar Krýz qazaqstandyq boksshyǵa arnalǵan «Mexican Style» tregin oryndaǵan. Aıta keteıik, 18 naýryzda Nıý-Iorktegi Madison Square Garden arenasynda Gennadıı Golovkın WBA (Regular) belbeýiniń ıegeri amerıkalyq Dennıel Djeıkobspen qolǵap túıistiredi. Elimizde bul jekpe-jekti «Qazaqstan» jáne «KazSport» telearnalary 19 naýryzda 08:00-de tikeleı efırde kórsetedi.