Áskerı qyzmetker Maqsat Imanbekov pen 27 jastaǵy jary Aıda Jebegenovanyń januıasynda osyndaı qýanyshty jaǵdaı bolyp otyr. Jańa týǵan úshem olardyń otbasyndaǵy birinshi balalary, sonymen qatar, óńirde bıyl birinshi ret úshem týǵan. Balalar merziminen buryn dúnıe esigin ashqan, (júktiliktiń 30-shy aptasynda). Olardyń salmaǵy 1400, 1490 jáne 1495 gramm.
Oblystyq perınataldyq ortalyqtyń dárigerleri táýekelge barýdan bas tartyp, áıelge ishten jaryp balany alý ádisimen bosandyrǵan, jalpy barlyq shara sátti jasalǵan. Jańa týylǵan balalarǵa Darhan, Sherhan jáne Erhan degen esimder berilgen. Qazirgi ýaqytta balalardyń jaǵdaıy jaqsy, salmaq qosyp, anasymen birge aýrýhanadan shyǵýǵa daıyndalyp jatyr.
Kópbalaly anany Taraz qalasynyń ákimi Rústem Dáýlet arnaıy quttyqtap, osy januıaǵa izgi tilekterin aıtty.
