«Shymkent mundaı óńdeý zaýytyndaǵy josparly jóndeý jumystarynyń kestesi Qazaqstan Respýblıkasy Energetıka mınıstrliginiń maquldaýyn alǵan. Kúrdeli jóndeý jumystary kásiporynnyń qaýipsizdigin arttyrý men ondaǵy jumystyń úzilissiz turaqty jalǵasyn qamtamasyz etý maqsatynda qolǵa alynǵaly otyr», — delingen habarlamada.
Málimetke súıensek, Shymkent MО́Z jańǵyrtý jáne qalpyna keltirý jumystary aıasynda qoldanystaǵy júıege jańa nysandar qosý josparlanǵan.
«Bıyl tústi munaı ónimderin qosý qurylǵysyn engizý josparlanǵan. Bul qurylǵy temirjol sısternalaryndaǵy motor otynyn quıý kezinde býlaný prosesin báseńdetedi», — delingen habarlamada.
Baspasóz qyzmetiniń málimetinshe, Shymkent MО́Z jańǵyrtý jáne qalpyna keltirý jobasy Qazaqstannyń údemeli ındýstrııaldy-ınnovasııalyq damý memlekettik baǵdarlamasy aıasynda qolǵa alynǵan.
«Jobanyń basty maqsaty — munaı óńdeý zaýytynyń qyzmetin álemdik deńgeıdegi talaptarǵa saı etip jańartý», — deıdi baspasóz qyzmeti.
