«Mańǵystaýdyń ákiminiń ózi mınıstrdiń birinshi orynbasary bolýǵa surandy. Kýlagın de ózi zeınetkerlikke jasym keldi, barlyq jerde jumys istedim, rahmet dep suranǵan soń ruqsatymdy berdim. Qaraǵandynyń ákimi Ábdibekov ómirden ozǵan Qozykórpeshtiń (esep komıtetiniń tóraǵasy Jańbyrshın) ornyna keldi. Ol jaqqa Qaraǵandynyń týmasy, tájirıbeli jigit Qoshanovty aparyp qoıdyq. Bári de jumys isteıdi dep oılaımyz», — dedi Elbasy.
QR Prezıdenti Úkimet músheleri 1972, 1973 jyly dúnıege kelgen azamattar ekendigin atap ótti.
«Tepse temir úzetin, jumys isteıtin kezderi. Elge jaqsylyq jasaıdy dep qoıdyq. Sondyqtan senip, qyzmetke qoıyp, tárbıelep, birneshe jyl soǵan kúshińdi salyp, aqylyńdy aıtyp júrgende, olardyń jemqorlyqqa jáne basqa da kúmándi isterge qatysty bolyp shyqqanda qatty renjımin. Bul meniń kóńilime qaıaý túsiredi», — dedi Memleket basshysy.
