«Bizdiń birneshe urpaq Keńes Odaǵynyń yqpalymen ómir súrdi. Ol kezde barlyǵy josparly boldy. Adam dúnıege keledi. Balabaqshaǵa barady. Komsomol bolady. Oqıdy. Dıplom alǵan soń jumysqa ornalasady. Úı alady. О́mir boıy bir jumys ornynda isteıtin. Al qazir jaǵdaı ózgerdi. Ekonomıka da ózgerip otyrady. Iаǵnı, kásiporyndar tutynýshynyń qajettilikteri men suranystaryna qaraı jumys isteıdi», dedi jýrnalıstermen áńgime kezinde Elbasy.
Nursultan Nazarbaev Qazaqstannyń 80 elge taýar eksporttaıtynyn, onyń kóp bóligi shıkizat ekenin aıtty.
«Qazir jeńil ónerkásip pen azyq-túlik taýarlary da eksporttala bastady. Biraq jumys isteý kerek. Osy rette bilim men ǵylym máselesi týyndaıdy. Bizdiń ónim básekege saı bolýy úshin jańa tehnologııalardy úırenip, álemdik jaǵdaıdy zertteý kerek. Únemi izdený qajet», dedi ol.
Prezıdent Qazaqstanda kásipkerlikti qoldaýǵa barlyq jaǵdaı jasalǵanyna toqtalyp, elimizde bıznes pen memleket bir-birine kómektesý arqyly jaqsy tabys taba alatynyn aıtty. Osy rette ol Qudaımen kezdesken kásipker týraly áfsanany mysalǵa keltirdi:
«Mol baılyqqa jetken, adamdarǵa kóp kómektesken kásipker ómirden ótipti. O dúnıege barǵanda Qudaı oǵan syı jasamaq bolady. «Men saǵan birinshi tozaqty, ekinshi, jumaqty kórseteıin. Sosyn bireýin tańdaısyń» deıdi. Ol tozaqty kórýge barady. Onda dastarhan jaıylyp, ústi san túrli dámdi taǵamdarǵa tolyp tur eken. Biraq ondaǵylar shýlap, eshkim eshkimdi tyńdamaıdy eken. Baıqasa, kúnási úshin Qudaı olardyń qoly búgilmeıtindeı etip qoıypty. Sóıtip, olar tamaqtana almaıdy eken de bir-birimen ursysady eken. Sosyn bıznesmen jumaqqa baryp kóripti. Jumaqta da dastarhan jaıylyp tur eken. Biraq ondaǵy adamdar toıyp alyp, zerigip otyr eken. Muny kórgen kásipker «Meni tozaqqa jiberińiz» depti. Nege jumaqty tańdamaǵanyn suraǵanda ol «Men tozaqtaǵylardy tik qoldarymen bir-birin tamaqtandyrýdy úıretemin» dep jaýap beripti. Ol uly bıznesmen bolǵan. Bireýge birdeńe berý arqyly ala alasyń», — dedi Memleket basshysy.
