"Barshańyzdy Ulystyń uly kúni - Áz Naýryz merekesimen shyn júregimmen quttyqtaımyn! Búgin Qazaqstannyń ár óńirinde osy merekeni toılap jatqan xalqymyz bar. Bul - babalarymyzdyń baǵzy zamannan beri toılap, bizge qaldyrǵan amanaty, bereke-birliktiń, izgiliktiń joly bolsyn degen tileýi, jaqsylyq pen kelisimniń jańa kúnniń sımvoly. Osy kezden bastap, kún uzaryp, tún qysqaryp, jaryq sáýlesi jerge túsip, kóktemniń basy bolyp sanalady. Naýryzda xalqymyz jınalyp, bulaqtardyń kózin ashyp, jasyl-jelek otyrǵyzyp, bolashaqqa kóz tigetin bolǵan. Naýryz kóje jasap, aǵaıyn-týys, kórshi bir-birimen qatynasyp, dám tatyp, bolǵandy esterine túsirip, renjigender bir-birinen keshirim surap, kórisip, qaýyshyp, bir-birine súıispenshiligin kórsetetin bolǵan. Rýxanı tileýdiń aqjarma meıramy bolyp sanalatyn bul ǵajaıyp shaqta aspannan altyn kúnnen nur tógilip, jerge altyn dán sebiletinin bilesizder. El-jurttyń kóńilinde jańa úmit paıda bolyp, erteńgi kúnge senim nyǵaıady. Sol sebepten xalqymyz Naýryzdy «Ulystyń uly kúni» dep ataǵan. Shynyn aıtqanda, Naýryz qazaqtyń Jańa jyly bolyp eseptelýi kerek. Myńjyldyqtardan beri ózgermeı kele jatqan osy zańdylyq, bıyl sol dástúrinen jańylǵan joq. Bul mereke ult pen dindi talǵamaıdy. Barlyq halyqqa ortaq meıram. Bul bizdiń myzǵymas birligimiz ben yrysty yntymaǵymyzdy kórsetedi. Jaratylys ataýly jańǵyryp, osy keremet kúnde jaqsy tilekte bolaıyq", dedi Elbasy.
