Almatyda ótken Dúnıejúzilik týberkýlezge qarsy kúres kúnine arnalǵan konferensııada birqatar ózekti máseleler sóz boldy.
Mamandar stýdentter men mıgranttar arasyndaǵy juqpaly aýrýdy anyqtaý men emdeýdiń qoljetimdiligin talqylady. Jańa dárilerdi qoldanýǵa da toqtaldy. Týberkýlezge qarsy kúreske bıyl memleketten 35 mıllıard teńge bólý qarastyrylǵan.
«Jalpy Qazaqstanǵa kelsek, ótken jyldyń nátıjesi boıynsha týberkýlezdiń aýrýshańdyǵy 9,9 paıyzǵa tómendep, al onyń taralýy ıaǵnı birinshi ret aýyrǵan men resıdıvtik túrleri 13 paıyzǵa tómendep otyr. Balalardyń arasynda týberkýlezdiń taralýy 21,6 paıyzǵa tómendedi. Al týberkýlezdiń saldarynan bolatyn ólim-jitim 17 paıyzǵa tómendep otyr», deıdi Jumaǵalı Ismaılov.
