Ertede úlken kisiler jol júrip ketkende, aýyldyń qyz-jigitteri bir úıge jınalyp ótkizgen
saýyq keshin «bastańǵy» dep ataǵan. Bul kúnde bastańǵynyń aty estilip qalyp júrse de, zaty kónere bastaǵany taǵy shyndyq. Oblystyq qazaq drama teatrynyń jas ártisteri jáne oblystaǵy ónerpaz jastardyń kúshimen ótken shara halqymyzdyń jarasymdy dástúrin jańǵyrtqandaı boldy.
О́nerpaz jastar ázil-qaljyńǵa qurylǵan «Bastańǵy» keshinde halqymyzdyń umytyla bastaǵan dástúrlerin, rýhanı qundylyqtarymyzdy eske salyp otyrdy. Jastyq shaqqa saı jarasymdy kórinisterdi, ulttyq kıimderdiń sán úlgisin kórsetti. Árıne, kesh bolǵan soń, án men jyrǵa da keńinen oryn berildi. Jalpy, keshtiń maqsaty da ulttyq qundylyqtardy nasıhattaýǵa arnalsa kerek. Sonymen qatar, kórermender keshte jańa talanttardyń esimin tuńǵysh estidi.
Oblysta birinshi ret ótkizilip otyrǵan kesh ulttyq naqyshqa, boıaýǵa baılyǵymen de kórermenderdi rıza etti. − Men óńirde «Bastańǵynyń» bastalǵanyna qýandym. Ulttyq qundylyqtarymyzdy ózimiz eske salyp otyrmasaq, onyń kónere beretini, keıingi urpaqtyń ony múldem umytary da haq. Maǵan búgingi jastardyń qazaqy qaljyńdary, ulttyq oıyndar men birlikke, dostyqqa, shynaıylyqqa tárbıeleıtin salttarymyzdy kórsetkeni qatty unady, -deıdi kórermen Baqytgúl Súleımenova.
«Bastańǵyǵa» jınalǵandardan teatrda ıne shanshar oryn bolmady. Án men jyrǵa, qazaqy ázil-qaljyńǵa shólirkegen jurtshylyq sahnadaǵy jastardy shapalaq uryp, qolpashtaýdan da kende etken joq. Ulttyq dýman-keshtiń ózegindeı bolǵan Aldardy jas akter Oljas Begaıdarov jaqsy alyp shyqty. О́nerli jas Gúlden Moldahmetovanyń ulttyq dýmandy ótkizý jónindegi bastamasyn oblystyq mádenıet basqarmasy da qyzý qoldady, al ssenarıin jýrnalıst, aqyn Abylaı Maýdanov jazdy.
−«Bastańǵyny» tek Naýryzǵa telip qoımaı, aldaǵy ýaqytta ár merekede ótkizýdi oılastyryp otyrmyz. О́ıtkeni ýaqyttyń tyǵyzdyǵyna qaramaı, «Bastańǵynyń» ótýine Qostanaıdaǵy ánshi, kúıshi, aqyn jastardyń barlyǵy da atsalysty. Aldaǵy ýaqytta bul ulttyq dýmandy damyta túsetin bolamyz. «Bastańǵynyń» ádettegi ázil-ospaq keshinen bólek bolýy kerektigin de oılastyramyz, - deıdi Abylaı Maýdanov.
Názıra JÁRIMBETOVA,
«Egemen Qazaqstan»
QOSTANAI
