«Bárimiz onyń qandaı maqsatpen terakt jasaǵanyn eshqashan bile almaımyz. Onyń qupııasy ózimen birge qaıtys boldy... Ol bul oqıǵany jalǵyz ózi jasaǵan. Ol - fakt», - deıdi Londondyq polısııa basshysynyń orynbasary Neıl Basý.
Aıta keteıik, Londondaǵy terakt sársenbi kúni týrıster eń kóp keletin Westminster kópirinde bolǵan. Jankeshti kólikpen kópirdiń janyndaǵy jaıaý júrginshiler jolyna shyǵyp, birneshe adamdy basyp ketken. Sondan keıin, Parlament ǵımaratyna qaraı bettegen jerinen ony polısııa qyzmetkerleri toqtatqan. Qylmysker polısı qyzmetkerine pyshaq suǵyp, artynan ózi qaıtys bolǵan.
Terrorshy dep tanylǵan 52 jastaǵy Halıd Masýd Brıtanııa azamaty. Sońǵy málimetter boıynsha, terakttan 4 adam qaıtys bolyp, 10 eldiń 50 azamaty túrli deńgeıdegi dene jaraqatyn alǵan.
