Jankúıerler jan alysyp, jan berisken kezdesýge kýá boldy. Armenııa quramasy oıyn bastala sala alǵa umtylǵan. Alaıda, matchtyń 2-mınýtynda Kevorg Gazarıan qaqpashy Davıd Lorııamen dopqa talasta jaraqat alyp, alańnan ketýine májbúr boldy.
Alǵashqy 45 mınýtta Genrıh Mhıtarııan, Erkebulan Tuńǵyshbaev syndy fýtbolshylardyń esep ashatyn múmkindikteri bolǵan, biraq tablodaǵy kórsetkish ózgerissiz qaldy.
Matchtyń ekinshi taımy jerlesterimiz úshin asa sátti bola qoımady. Kezdesýdiń 64-mınýtynda Sergeı Malyı armenııalyq Genrıh Mhıtarııanǵa qarsy oıyn tártibin buzǵany úshin ekinshi sary qaǵazyn alyp, alańnan qýyldy. Mine, osydan keıin Qazaqstan quramasynyń qorǵanysy syr bere bastady. Arada 10 mınýt óter-ótpes esep te ashyldy. Oıynnyń 73-mınýtynda Genrıh Mhıtarııan eki-úsh fýtbolshynyń arasynan Davıd Lorııanyń qaqpasyn dál kózdep, birinshi goldy soqty. Kóp uzamaı ekinshi dop ta soǵyldy. 75-mınýtta oń qaptaldan áýeleı kelgen dopty Araz Ozbılız týra baǵyttady.
Aleksandr Borodıýktiń Qazaqstan quramasynyń alǵashqy resmı oıyny jeńilispen aıaqtaldy. Otandastarymyz 2 upaımen E tobynda kósh sońynda keledi. Al Armenııanyń enshisinde 6 upaı bar.
