Taqyryby − «Ishki jáne syrtqy kóshi-qon máseleleri týraly» dep atalady. Parlament Májilisi Áleýmettik-mádenı damý komıtetiniń hatshysy, Májilistegi «Nur Otan» partııasynyń fraksııasy janyndaǵy Ekonomıkalyq saıasat jónindegi keńestiń tóraǵasy Beıbit Mamraev Memleket basshysynyń «Qazaqstannyń Úshinshi jańǵyrýy: jahandyq básekege qabilettilik» atty Qazaqstan halqyna Joldaýynda qoıylǵan eńbek naryǵyn jańǵyrtýǵa baılanysty keshendi tapsyrmany iske asyrý aıasynda qarastyrylyp otyrǵan máseleniń mańyzdylyǵyn atap ótti.
Otyrysqa qatysýshylar 2015 jylǵa qaraǵanda ótken jyly ishki kóshi-qonnyń 25 paıyzǵa, elimizde tirkelgen shet el azamattary sanynyń 25 paıyzǵa jáne olar jasaǵan quqyq buzýshylyqtyń 5,9 paıyzǵa artqanyn alǵa tarta kelip, sonymen qatar, zańsyz kóshi-qon jáne azamattardyń, sonyń ishinde joǵary bilikti mamandardyń, shet elderge ketý úrdisiniń oryn alyp otyrǵanyna nazar aýdardy.
Depýtattar sondaı-aq etnostyq qazaqtardy qabyldaý, olarǵa Qazaqstan azamattyǵyn berý kezinde quqyqtyq rásimderdi ońaılatý jáne oralmandardy eńbek kúshi qajet aımaqtarǵa qonys aýdarý máseleleri boıynsha qonymdy usynystar bildirdi.
Birlesken otyrystyń jumysyna Eńbek jáne halyqty áleýmettik qorǵaý, Ishki ister, Bilim jáne ǵylym, Syrtqy ister, Ulttyq ekonomıka mınıstrlikteriniń, jergilikti atqarýshy organdardyń, Halyqaralyq kóshi-qon uıymynyń, Dúnıejúzi qazaqtary qaýymdastyǵynyń ókilderi qatysty.
Otyrys qorytyndysy boıynsha tıisti usynystar qabyldandy.
