Konsýltasııalar baǵdarlamasy Ombýdsmenniń Hatshylyqtyń syrtqy baılanystar, sot tóreligi jáne quqyqtyq yntymaqtastyq jónindegi qurylymdyq bólimsheleriniń, sondaı-aq Adam quqyqtary jónindegi komıssar basqarmasynyń, Eýropalyq sot tirkeý ornynyń jáne Venesııa komıssııasynyń basshylarymen birqatar kezdesýlerin qamtydy.
Kelissózder barysynda Eýropalyq odaq pen Eýropa keńesiniń Qazaqstannyń sot tóreligi júıesin jetildirýge kómek kórsetý jóninde birlesken baǵdarlamasyn júzege asyrý barysy talqylandy. Konsýltasııalarǵa qatysýshylar joǵaryda kórsetilgen baǵdarlama sheńberindegi yntymaqtastyqtyń tıimdiligi týraly ortaq pikir bildirdi.
A.Shákirov áriptesterine Qazaqstan Respýblıkasynyń Negizgi Zańyna engizilgen Ombýdsmenniń jańa konstıtýsııalyq mártebesine jáne aldaǵy ýaqytta Qazaqstan Respýblıkasy Parlamentiniń Senatymen ony saılaý tártibine baılanysty ózgerister týraly tolyqtaı habardar etti.
Eýropa keńesiniń ókilderi Qazaqstanda bolyp jatqan ózgeristerge joǵary baǵa berdi.
