Hokkeı • 27 Naýryz, 2017

«Torpedonyń» qarsylasy tegeýrindi

130 ret

kórsetildi

1 mın

oqý úshin

Joǵary hokkeı lıgasyndaǵy pleı-off kezeńiniń kezekti synynan súrinbeı ótken О́skemenniń «Torpedo» hokkeı klýbynyń jartylaı fınaldaǵy qarsylasy belgili boldy. Ol ujym – «SKA-Neva» (Sankt-Peterbýrg) komandasyn jeti oıynnan turatyn jekpe-jekte 4:3 esebimen jeńip shyqqan Túmenniń «Rýbın» hokkeı klýby.

Egemen Qazaqstan

Jartylaı fınaldyń joldamasy úshin bolǵan synda JHL turaqty chempıonatynyń jeńimpazy «Torpedo» Sankt-Peterbýrgtiń «Dınamo» komandasyn jeti matchtan turatyn serııada 4:3 esebimen utqan bolatyn.

Endi óskemendikter jartylaı fınaldyń alǵashqy eki kezdesýin 28-29 naýryz kúnderi óz aıdynynda ótkizedi. Kelesi eki match 1 jáne 2 sáýir kúnderi Túmende oınalady. Eger bul kezdesýler jeńimpazdy anyqtamaıtyn bolsa, onda 5, 7 jáne 9 sáýir kúnderi oıyndar serııasy jalǵasyn tabatyn bolady.

Ekinshi jartylaı fınalda Dınamo (Balashıha) men «Zaýrale» (Qorǵan) komandalary kúsh synasady.

Eske salar bolsaq, «Torpedoǵa» kez bolǵan qarsylas – «Rýbın» klýby 2011 jyly Bratına kýbogyn utyp alǵan azýly da tájirıbeli ujym. Budan bólek, túmendikter 2013-14 maýsymda da týrnırdiń fınalyna shyqqan. Biraq ol joly «Rýbın» Qaraǵandynyń «Saryarqasynan» utylǵan bolatyn.

Qaırat ÁBILDINOV, «Egemen Qazaqstan»