О́zara baılanystar óristeı túspek

Kelissózder barysynda Qazaq­­stan Prezıdenti Nursultan Nazarbaevtyń BAÁ-ǵa ústimiz­degi jyldyń 15-16 qańtarynda jasaǵan resmı saparynyń aıasynda joǵary deńgeıde qol jetkizilgen ýaǵdalastyqtardyń iske asyrylý barysynyń aldyn ala nátıjesi, oǵan qosa, yntymaqtastyqtyń mańyzdy baǵyttary boıynsha birlesken ınvestısııalyq joba­lardy pysyqtap, iske qosý máse­leleri talqylandy.

Kezdesýde Atyraý obly­syn­daǵy jyldyq qýattylyǵy 800 myń tonna polıpropılen shy­ǵarýǵa jetetin munaı-gaz-hımııa kesheni qurylysynyń jobasyna basa nazar aýdaryldy.

Budan bólek, Ábý-Dabı men Dýbaıdyń ındýstrııalyq aımaq­tary men damýshy qala­laryn Saýd Arabııasynyń shekarasymen baılanystyratyn, uzyndyǵy 406 shaqyrym bolatyn temir jol qurylysynyń jobasy qaraldy. Aıta keteıik, kólik-logıstıka salasynda Ámirlikter aýmaǵyn­da birlesken ınfraqury­lym­dyq jobalardy iske asyrý­ǵa «Qa­zaq­stan temir joly» UK» AQ pen «Etihad Rail» ulttyq te­mir jol kompanııasynyń (BAÁ) qaty­sýy qarastyrylǵan. Sony­men birge, Qazaqstandaǵy áýejaı ın­f­ra­qurylymyn «Abu Dhabi Airports Corporation (ADAC)» kompanııasymen birlesip damytý máselesi talqylandy.

Qarjy salasynda «Báıterek» UBH» AQ pen «Mubadala In­vest­ment Company» memlekettik ınves­tısııalyq kompanııasy ara­synda jalpy jarǵylyq ka­pı­taly teń úleste 500 mln AQSh dol­lary bo­latyn, keıinnen 1 mlrd AQSh dol­laryna deıin ul­ǵaı­tylatyn, Qazaq­stan-BAÁ bir­lesken ınves­tı­sııa­lyq qoryn ja­qyn arada qu­rý­­ǵa ázirlik jumys­tary quptaldy.

Sondaı-aq, BAÁ-niń Atom ener­­­getıkasy jónindegi kor­po­­ra­­­sııasy (ENEC) men «QazAtomО́nerkásip» UAK» AQ ara­­­­syn­da atom qýatyn beıbit maq­­satta paıdalaný salasyndaǵy yntymaqtastyq máseleleri qaral­dy. Aıta keteıik, bul sala boıyn­sha BAÁ-de qurastyrylyp jat­qan jáne qurylysy jos­par­lanǵan reaktorlardyń qajettilik­terin qam­tamasyz etý maq­satynda Qazaq­stannan tabı­ǵı ýran, baıytylǵan ýran ónimderi túrinde shıkizat jetkizý kózdelýde.

Kezdesýdiń qorytyndysy bo­ıynsha Ámirlikter tarapy ózara yn­ty­maqtastyqtyń basym baǵyt­tary boıynsha qolǵa alynǵan bir­les­ken jobalardy ilgeriletý úder­i­sine kóńilderi tolatynyn, Qazaq­­stan jaǵynyń bıyl 22 ma­myrda Astanada Qazaqstan-Ámir­lik­­ter bıznes-forýmyn ótkizý tý­ra­­ly bastamasyn erekshe atap ótti.

Kelissózderge Qazaqstan Ener­getıka mınıstri Q.Bozymbaev, «Qazaq­stan temir joly» UK» AQ pre­zıdenti Q.Alpysbaev, «QazAtomО́nerkásip» UAK» AQ bas­qar­ma tóraǵasy A.Jumaǵalıev jáne Qazaqstannyń BAÁ-degi el­shisi Q.Lama Shárip qatysty.

Daıyndaǵan

Joldybaı BAZAR,

«Egemen Qazaqstan»