Jıynda I.Ábishev búgingi kúni Sý resýrstary komıtetiniń basseındik ınspeksııalary ákimdiktermen jáne TJ aýmaqtyq organdarymen birlesip 859 gıdrotehnıkalyq qurylystarǵa tekseris júrgizgenine toqtaldy. Onyń aıtýynsha, gıdrotehnıkalyq qurylystardy tekserý jumystaryn komıtettiń ınspeksııalary odan ári jalǵastyrýda. Sondaı-aq, gıdrotehnıkalyq qurylystardyń menshik ıelerine tasqyn sýdy qaýipsiz ótkizý boıynsha sharalardy qamtamasyz etý qajettiligi týraly hat joldanǵan.
Brıfıngte belgili bolǵandaı, respýblıkalyq menshiktegi barlyq sý sharýashylyǵy nysandarynda qurylystar arqyly tasqyn sýdy apatsyz ótkizý boıynsha is-sharalar josparyna sáıkes, kótergish mehanızmder men elektromehanıkalyq qondyrǵylardy tekserý jáne synamalaý ótkizilgen. Buǵan qosa, 2017 jylǵy 10 aqpannan bastap táýlik boıǵy kezekshilik uıymdastyrylǵan, turaqty baılanys qamtamasyz etilgen.
Tasqyn sý qubyrlaryna baılanysty tótenshe jaǵdaıda «Qazsýshar» RMK-de ınerttik materıaldardyń, JJM (janar-jaǵarmaı materıaldary) apatty qory qurylǵan, arnaıy tehnıka daıyndalǵan jáne sý sharýashylyǵy obektilerindegi elektr jelileriniń apaty bolǵan jaǵdaıda dızeldi elektr stansalary daıyndalǵan.
«Jalpy, búgingi kúni respýblıkadaǵy sý qoımalarynda sý sharýashylyǵy jaı-kúıi turaqty jáne únemi baqylaýǵa alynǵan», – dep atap ótti I.Ábishev. Sonymen qatar, I. Ábishev Ońtústik Qazaqstan oblysyn aýyz sýmen qamtamasyz etý jóninde aıtty. Onyń sózine qaraǵanda, ústimizdegi jyly Aýyl sharýashylyǵy mınıstrliginiń Sý resýrstary komıteti men «WIND POWER GmbH» Germanııa fırmasynyń arasynda ekijaqty memorandýmǵa qol qoıylǵan. Qujatta elektr energııasyn óndirý arqyly qýattylyqty arttyryp, Ońtústik Qazaqstan oblysy halqyn sapaly aýyz sýmen qamtamasyz etýge bar kúshti biriktirý, sondaı-aq, jańa generasııalyq qýatty qurý múmkinshiligimen jańa sý qoımalaryn salý jáne qoldanystaǵylardy qaıta jańartýǵa qatysý kózdelgen.
Bul kelisim, Qazyǵurt, Saryaǵash, Maqtaaral, Shardara aýdandarynyń eldi mekenderin jáne Shymkent qalasyn aýyz sýmen qamtýda úlken bastama bolyp tabylady.
