Jıyn moderatory, oblys ákiminiń keńesshisi Artýr Nyǵmetov Elbasynyń konstıtýsııalyq reformaǵa qol qoıǵanyn, oǵan deıin bul qujatty qalyń jurtshylyq talqylaǵanyn aıta kelip, negizgi spıker «Qazaqstan Respýblıkasynyń Zańnama ınstıtýty» memlekettik mekemesiniń jetekshi ǵylymı qyzmetkeri, zań ǵylymdarynyń kandıdaty, dosent Mereke Ǵabdýalıevke sóz berdi.
– Táýelsizdiktiń alǵashqy jyldarynda qabyldanǵan Ata Zań elimizdegi turaqtylyqtyń kepili boldy desek, artyq aıtqandyq emes. О́ıtkeni, aınalamyzdaǵy memleketterde soǵys órti tutanyp, tynyshtyqtyń degbiri qashqan túrli jaǵdaılar oryn alyp, árqandaı qolaısyzdyqtar bolyp jatqanda, Qazaqstan eshqandaı alańsyz memleket qurý isimen aınalysty. Sonyń arqasynda shekaramyz shegendeldi, Astana qalasy boı kóterdi. Eldiń áleýmettik-ekonomıkalyq jaǵdaıy jaqsardy. Al búgingi zaman bizdiń aldymyzǵa jańa saıası reformalardy usynyp otyr. Sondyqtan Elbasy óziniń birqatar ókilettigin Parlament pen Úkimetke bólip berdi. Bul − zań shyǵarýshy organ men atqarýshy bıliktiń halyq aldyndaǵy jaýapkershiligin arttyrady degen sóz. Soǵan sáıkes, Parlament pen Úkimettiń quzyreti de kúsheıedi,– dedi Mereke Tilekuly.
Jańa konstıtýsııalyq reforma boıynsha endi el ómirinde eleýli oryn alatyn zańdarǵa da tıisinshe ózgerister engiziledi. Solardyń qatarynda adam quqyqtaryna qatysty da birshama ózgerister bolmaq. «Aldaǵy ýaqytta adam quqyqtary jóninde esep jasalyp otyrady. Bul el sheńberinde qabyldanǵan zańdardyń qanshalyqty oryndalyp jatqanyn bilip, saraptap otyrýǵa taptyrmas qural bolmaq» – dedi Mereke Ǵabdýalıev.
Sonymen qatar, bolashaqta eldi mekender men aýyldyq okrýgterdiń ákimderin de halyq saılaıtyn júıege kelýimiz múmkin. Sarapshy jańa kons-
tıtýsııalyq reforma barysynda osyndaı múmkindiktiń bolý yqtımaldyǵy zor dep otyr. Jalpy, jıyn barysynda memleket ómirindegi mańyzdy qujat jaıynda kóptegen áńgime aıtyldy. Sonymen qatar, sarapshylar klýbyna kelgen meımandar da óz oılarymen bólisip, kókeıindegi suraqtaryn qoıyp, oǵan tushymdy jaýap aldy.
Erjan BAITILES, «Egemen Qazaqstan»
QYZYLORDA
